Thursday, 29 August 2013
တရုတ်နိုင်ငံမှ ရေတပ်ဆေးရုံသင်္ဘော (Peace Ark) သည် မြန်မာနိုင်ငံသို့ သြဂုတ် ၂၈ ရက် နံနက်ပိုင်းတွင် ပထမဆုံး ရောက်ရှိခဲ့ပြီး အခမဲ့ ဆေးကုသမှုများကို ပြုလုပ်ပေးသွားမည်ဖြစ်ကြောင်း သိရသည်။ အဆိုပါ သင်္ဘောသည် မြန်မာနိုင်ငံတွင် တစ်ပတ်ကြာ ဆေးကုသမှုများကို ပြုလုပ်ပေးမည်ဖြစ်ပြီး သြဂုတ် ၂၉ မှ စတင်ကာ ဆေးကုသမှုများကို စတင်မည် ဖြစ်သည်။
ယင်းဆေးရုံ သင်္ဘောသည် ကုတင် ၃၀၀ ဆံ့ ဆေးရုံသင်္ဘောဖြစ်ပြီး ခွဲစိတ်ခန်း ရှစ်ခန်းနှင့် ICU အခန်း ၂၀ ပါဝင်ကြောင်းနှင့် ဆရာဝန် ၄၈ ဦး အပါအ၀င် ဆေးဘက်ဆိုင်ရာ ၀န်ထမ်း ၁၀၂ ဦး ပါဝင်ကြောင်း သိရသည်။
တရုတ်ဆေးရုံသင်္ဘော အနေနှင့် မြန်မာနိုင်ငံသို့ ပထမဆုံး လာရောက်ခြင်းဖြစ်ပြီး သီလ၀ါ ဆိပ်ကမ်းတွင် ဆိုက်ကပ်ထားခြင်း ဖြစ်ကြောင်းနှင့် မြန်မာနိုင်ငံမှ တပ်မတော်သားများကို သာမက အခြေခံ ပြည်သူများကိုပါ အခမဲ့ ကုသပေးသွားမည် ဖြစ်သည်။
ထို့ပြင် သင်္ဘောနှင့် လိုက်ပါလာသည့် ဆေးပညာရှင် အဖွဲ့များသည် ရန်ကုန်မြို့ရှိ မူလတန်းကျောင်း အချို့နှင့် မိဘမဲ့ ဂေဟာများတွင်ပါ သွားရောက်ပြီး ကျန်းမာရေး စစ်ဆေးမှုများနှင့် ကုသမှုများကို ကွင်းဆင်းကုသရန် စီစဉ်ထားကြောင်း သိရသည်။
"အခုလို လာရောက်ကုသတာဟာ တရုတ်-မြန်မာနှစ်နိုင်ငံ ချစ်ကြည်ရေးကို ပိုမိုတိုးတက် ကောင်းမွန်လာစေဖို့ ရည်ရွယ်ပါတယ်။ ဒီသင်္ဘောဟာဆိုရင် နိုင်ငံတကာမှာရှိတဲ့ သဘာဝ ဘေးအန္တရာယ် တွေ့ကြုံရသူများနှင့် လူသားချင်း စာနာထောက်ထားမှုဆိုင်ရာ အကူအညီ ပေးရေးအတွက် အဓိက ရည်ရွယ်ထားပါတယ်" ဟု အဆိုပါ ဆေးရုံသင်္ဘော၏ ရေတပ်ဒုတိယ ဦးစီးမှူး မစ္စတာရှန်းဟောင်က ပြောကြားသည်။
မြန်မာနိုင်ငံ ခရီးစဉ်အတွင်း တရုတ်ရေတပ် ဆေးရုံသင်္ဘောမှ ဆရာဝန်များနှင့် ပြည်တွင်းမှ ဆရာဝန်များ ပူးပေါင်းကာဆေး ပညာဆိုင်ရာ နှီးနှောဖလှယ်ပွဲများ၊ ဆွေးနွေးပွဲများ၊ နှစ်နိုင်ငံ ချစ်ကြည်ရေး အားကစား ပြိုင်ပွဲများကိုပါ ပြုလုပ်သွားရန် စီစဉ်ထားကြောင်းလည်း သိရသည်။ ဆေးကုသမှုများ ပြုလုပ်ရာတွင် ပထမနေ့တွင် စစ်ဘက်ဆိုင်ရာ ပုဂ္ဂိုလ်များနှင့် မိသားစုများကို ကုသပေးသွားမည်ဖြစ်ပြီး ကျန်နေ့များတွင် အရပ်သား လူနာများနှင့် ကွင်းဆင်းကုသမှုများကို ပြုလုပ်သွားမည်ဖြစ်ကြောင်း သိရသည်။
ယင်းသင်္ဘောသည် တရုတ်နိုင်ငံ၏ တစ်ကမ္ဘာလုံးနှင့် လိုက်လျောညီထွေစွာ နေထိုင်လိုသည့် ဆန္ဒကို ပြဆိုသည့် အနေဖြင့် ၂၀၁၀ ပြည့်နှစ်နှင့် ၂၀၁၁ ခုနှစ်တို့တွင် အာရှ၊ အာဖရိက၊ လက်တင်အမေရိကရှိ နိုင်ငံကိုးနိုင်ငံသို့ သွားရောက်ခဲ့ပြီး ယခု ၂၀၁၃ ခုနှစ်ခရီးစဉ်တွင် ဘရူနိုင်း၊ မော်လ်ဒိုက်ဗ်၊ ပါကစ္စတန်၊ အိန္ဒိယနှင့် ဘင်္ဂလားဒေ့ရ်ှသို့ သွားရောက်ကုသခဲ့ပြီး ဖြစ်ကြောင်းနှင့် ယခုမြန်မာနိုင်ငံတွင် တစ်ပတ်ကြာ ကုသမှုများ ပြုလုပ်ပေးမည်ဖြစ်ပြီး ဆက်လက်၍ အင်ဒိုနီးရှားနိုင်ငံနှင့် ကမ္ဘောဒီးယားနိုင်ငံသို့ စသည့်ရှစ်နိုင်ငံသို့ လာရောက်ခဲ့ခြင်းဖြစ်ကြောင်း သိရသည်။ ရေတပ်ဆေးရုံသင်္ဘော (Peace Ark) သည် အရှည် ၁၇၈ မီတာ၊ အကျယ် ၂၄ မီတာ၊ အမြင့် ၃၅ ဒသမ ၅ မီတာနှင့် အကျယ်အ၀န်း ၄၀၀၀ စတုရန်းမီတာရှိကြောင်း သိရသည်။
သီလ၀ါဆိပ်ကမ်း၌ ဆိုက်ကပ်ထားသော တရုတ်ရေတပ် ဆေးရုံသင်္ဘော Peace Ark အား တွေ့ရစဉ်
Eleven Media Group
0 comments:
Post a Comment