အိမ်နဲ့ဝေးရာ ထွက်သွားချင်နေလား?
အိမ်ပြန်ချင်တာ တပိုင်းသေပြီး
အခြေအနေကြောင့် အိမ်နဲ့ဝေးနေရသူတွေ
ဒုနဲ့ဒေးရှိတယ်။
အိမ်မှာအမေက ပူညံပူညံလုပ်လွန်းလို့
တစ်ယောက်ထဲ နေချင်နေလား?
အမေ့အသံ တမ်းတလွန်းလို့
ဖုန်းပြောပြီး ကျေနပ်နေရသူတွေ
တစ်ပုံကြီးရှိတယ်။
အိမ်မှာအဖေက တဖွဖွဆုံးမလွန်းလို့
နားညီးတယ်ဆိုပြီး စိတ်လေနေသလား?
ပြသနာဖြစ်ရင် တိုင်ပင်စရာမရှိ
အဖေ့ တ ပြီး မှားမှားမှန်မှန်
ကိုယ်မှားကိုယ်ခံ အဖေ့အဆုံးအမခံချင်သူတွေ
အများကြီးရှိတယ်။
နေမကောင်းဖြစ်ရင် ကိုယ့်ကိုကိုယ်ဆေးကုရတာ
သူများမိသားစုတွေတွေ့ရင် အားကျရတာ
လဲကျသွားလည်း ကိုယ့်ဘာသာကိုယ်ကုန်းရုန်းထရတာ
အဆင်မပြေမှူ့တွေ အားငယ်မှူ့တွေ
ကိုယ့်ဘာသာကိုယ် ကျိတ်မှိတ်မြိုချရတာ
အိမ်ပြန်လာလို့ ကြိုဆိုသူမရှိ
အလုပ်နဲ့အိမ် အိမ်နဲ့အလုပ်
စက်ရုပ်တရုပ်လို ဖြတ်သန်းရတာ
ခြောက်ကပ်ကပ်ထမင်းဝိုင်းကြည့်ပြီး အိမ်ကအမေ့လက်ရာ
တမ်းတနေသူတွေ အများကြီးကြားထဲမှာ
အိမ်နဲ့ဝေးရာ သွားချင်တယ်ဆိုရင်တော့
နင့်မှအပြင် ငမိုက်သားရှိပဦးမလား။
မိသားစုတန်ဖိုးနားလည်တတ်ကြပါစေ။
