မြစ်ကြီးနား ၊ ၂၆-၈-၂၀၁၃
ကျန်းမာရေး ဝန်ကြီးဌာန၏ လမ်းညွှန် စီမံချက်များနှင့် အညီ နိုင်ငံ တစ်ဝန်း အာဟာရ ဖွံ့ဖြိုးရေး ရက်သတ္တပတ် များ၌ အိုင်အိုဒင်း ချို့တဲ့ရောဂါ ကာကွယ်ရေး ရက်သတ္တပတ် လှုပ်ရှားမှုကို အရှိန်အဟုန် မြှင့်ဆောင်ရွက် လျက်ရှိရာ သြဂုတ်လ ၂၃ ရက် နံနက် ၈ နာရီက မြစ်ကြီးနားမြို့ မြို့မရပ်ကွက် မြို့မဈေး (၁) ၊ ဈေး(၂) နှင့် ရေစင်ဝင်းဈေး အတွင်း အိုင်အိုဒင်းဆား ရောင်းချမှု အရည်အသွေး လိုက်လံ စစ်ဆေးခြင်းကို ဆောင်ရွက် ခဲ့ကြကြောင်း သိရသည်။
အိုင်အိုဒင်းဆား အရည်အသွေး စစ်ဆေးရာတွင် မြို့နယ် မိခင်နှင့် ကလေး စောင့်ရှောက်ရေး နှင့် အမျိုးသမီးရေးရာ အဖွဲ့ ဥက္ကဌ ဒေါ်မိုးနီနီလွင် နှင့် အဖွဲ့ဝင်များ ၊ မြို့နယ် ကျန်းမာရေး ဦးစီးမှူး ဒေါက်တာ မင်းဌေးနှင့် ကျန်းမာရေး ဝန်ထမ်းများ ၊ မြို့နယ် စည်ပင် သာယာရေး အဖွဲ့ ဈေးခေါင်းရုံး ဝန်ထမ်းများ ၊ ဈေးကြီးကြပ်ရေး ကော်မတီဝင်များ ၊ အင်အား(၄ဝ) ကျော် ပူးပေါင်း၍ အဖွဲ့ ငယ်(၃)ဖွဲ့ခွဲကာ အိုင်အိုဒင်းဆား ရောင်းချသည့် အရောင်းဆိုင် (၈ဝ)ကျော်သို့ သွားရောက်ကာ အရည်အသွေး ပြည့်မီသော အိုင်အိုဒင်းဆား ရောင်းချရေးနှင့် အိုင်အိုဒင်း ဓာတ်ပါဝင်မှု များကို လက်တွေ့ စစ်ဆေးခဲ့ ကြကြောင်း သိရှိရသည်။
Monday, August 26, 2013
အိုင်အိုဒင်း ချို့တဲ့ ရောဂါ ကာကွယ်ရေး ရက်သတ္တပတ် လှုပ်ရှားမှု ဆောင်ရွက်
0 comments:
Post a Comment