တညင်းသီး အဆိပ်သင့်ခြင်း (တညင်းတောက်ခြင်း) အတွက် သိကောင်းစရာ ဆေးမြီးတို

တောင်ငူ-ဒေးဒေးဖိုး

မြန်မာနိုင်ငံတွင် ရခိုင်ပြည်နယ်၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း ဒေသကြီး၊ ကချင်ပြည်နယ်၊ ရှမ်းပြည်နယ် တို့တွင် တညင်းသီးပင်များ အောင်မြင် ဖြစ်ထွန်း ကြပါသည်။


တညင်းသီးကို မေလဆန်းတွင် စတင် ခူးဆွတ် စားသုံးရပြီး သြဂုတ်လကုန်တွင် တညင်းသီးရာသီ ကုန်သွားပါသည်။ ရှမ်းပြည်နယ် အောင်ပန်းဒေသနှင့် ကချင်ပြည်နယ် မြစ်ကြီးနား ဒေသထွက် တညင်းသီးများမှာ အောက်တိုဘာ၊ နိုဝင်ဘာ လအထိ ရရှိကြောင်း သိရပါသည်။ တညင်းသီးကို နေရာဒေသ အသီးသီးတွင် ချက်ပြုတ်၍ နှစ်ခြိုက်စွာ စားသုံး ကြပါသည်။ တညင်းသီး အနုများကို အစိမ်းလိုက် ငါးပိရည်ဖြင့် တို့မြှုပ် စား၍သော် လည်းကောင်း၊ ဆားရေစိမ်၍ လည်းကောင်း၊ မီးဖုတ်၍ လည်းကောင်း၊ ပြုတ်ပြီး ထောင်းထု၍ ဝက်သား သုံးထပ်သားဖြင့် ဆီပြန်ချက်၍ သော် လည်းကောင်း၊ တညင်းသီး ရင့်မှည့်၍ စေးသော တညင်းသီးကို ပြုတ်ပြီး ထောင်းထုကာ အုန်းနို့ဆမ်း၍ သော် လည်းကောင်း နည်းမျိုးစုံဖြင့် စားသောက်ကြသည်။ ထို့ပြင် တညင်းသီး အလုံးကြီးများကို ရေဖျန်း၍ တညင်းဝက်အဖြစ် အခြမ်းကြီးများ ဖြစ်လာအောင် တစ်လခန့် ထားပြီး တညင်းဝက် ခြမ်းများကို အစိမ်းလိုက် ငါးပိရည်ဖြင့် တို့မြှုပ်၍သော် လည်းကောင်း၊ ဆီနှင့်ကြော်၍ နူးအိလာမှ ငါးပိရည်ဖြင့် တို့မြှုပ်၍ သော်လည်းကောင်း စားသုံးကြသည်။

တညင်းသီးသည် စား၍ အရသာရှိသော်လည်း လွန်ကြူးအောင် စားသုံးလျှင် ကျောက်ကပ်ရောဂါ ဖြစ်ခြင်း၊ ဆီး မသွားနိုင်ခြင်း၊ သွေးတိုးခြင်း၊ ဆီးသွားလျှင် သွေးပါခြင်း၊ ခေါင်းမူး၍ မအီမသာ ဖြစ်ခြင်းတို့ကြောင့် သတိထား ဆင်ခြင်၍ စားသုံးရန် လိုအပ်ပါသည်။ ''တန်ဆေး လွန်ဘေး'' ဆိုသကဲ့သို့ စည်းကမ်းမဲ့စွာ စားသုံး ပါက အန္တရာယ် ရှိနိုင်ပါသည်။

ကရင်ပြည်နယ် သံတောင်ကြီးမြို့နယ် လိပ်သိုမြို့နယ်ခွဲ အတွင်းရှိ ကျောင်းကုန်းကျေးရွာမှ ဒေသခံ ကရင် အမျိုးသားကြီး တစ်ဦး၏ ပြောကြားချက် အရ တညင်းသီးကို အစားများလျှင် သော်လည်းကောင်း၊ အစိမ်း စားလိုက်၊ မီးဖုတ် စားလိုက်၊ ပြုတ်စားလိုက်နှင့် တစ်နေ့တည်း အမျိုးမျိုး လုပ်စားလျှင်သော် လည်းကောင်း တညင်းသီး အဆိပ်သင့်ခြင်း သို့မဟုတ် ဒေသအခေါ် (တညင်း တောက်ခြင်း)ကြောင့် ဆီးမသွားနိုင်ခြင်း၊ ဆီးသွား သွေးပါခြင်းများ ဖြစ်ပါက ဆေးမြီးတို အဖြစ် ကြက်တောင်ပံမွေးကို မီးမြှိုက်၍ရသော ပြာဖြင့် အရက် (မည်သည့် အရက်မဆို) ရော၍ သောက်ပါက ခဏနှင့် ပျောက်ကင်းကြောင်း သိရပါသည်။

နောက် တစ်နည်းမှာ တပ်မတော် အငြိမ်းစား (ဗိုလ်မှူးအဆင့်) အရာရှိ တစ်ဦး ပြောကြားသည်မှာ ''ကျွန်တော်တို့ ကရင်ပြည်နယ်ကို စစ်ဆင်ရေး ထွက်တုန်းက ကျွန်တော့် တပည့်တွေ တညင်းသီးကို ပြုတ်လိုက်၊ မီးဖုတ်လိုက်နဲ့ စားတာ များသွားတော့ တညင်းသီး အဆိပ်သင့်ပြီး ဆီးမသွားနိုင်ဘဲ အော်နေ ရတယ်။ ဒါနဲ့ ဒေသခံ တိုင်းရင်းသား တစ်ဦးက နာနတ်သီး ထိပ်ပိုင်း အဆူးနဲ့ အရွက်ချွန်ချွန်ကို ထောင်းထုပြီး သကြား အနည်းငယ်နဲ့ ရောတိုက်လိုက်တာ တစ်နာရီလောက်နဲ့ သက်သာ ပျောက်ကင်း သွားတယ်ဗျာ'' ဟု ပြောကြားကြောင်း သိရသည်။

သို့ဖြစ်ရာ တညင်းသီး အဆိပ်သင့်ခြင်း (တညင်းတောက်ခြင်း) ဖြစ်ပါက အထက်ပါ ဆေးမြီးတိုများဖြင့် ကုသ ပျောက်ကင်းနိုင်ကြောင်း ရေးသား တင်ပြ အပ်ပါသည်။

Posted in: ကျန်းမာရေ