ကံမကောင်းစွာပဲ လူတိုင်ေးတာ့ ဒီလိုမဖြစ်တတ်ပါဘူး။ တချို့လူတွေကတော့ ပုံမှန် ၀မ်းနည်းကြေကွဲ မှုသောကကိုပဲ အပြစ်ရှိသလိုထင်မြင်ယူဆနေခြင်း၊ ဒေါသဖြစ်ခြင်းနဲ့ တုန်လှုပ်ခြောက်ခြားခြင်း စတာတွေကို ပါရောပြွမ်းခံစားကြရတတ်ပါတယ်။ တစ်ခါတစ်ရံမှာ ဖြစ်သင့်ဖြစ်ထိုက်တဲ့ ၀မ်းနည်းပူဆွေးမှုကတောင်
နောက်ဆက်တွဲ ပြဿနာတွေနဲ့ နာကျင်ကြေကွဲကာ ခံရခက်တဲ့ ဝေဒနာတွေကို ခံစားရစေနိုင်တာကြောင့်
ပြင်းပြင်းထန်ထန်ပူဆွေးသောက ရောက်နေတဲ့သူတွေအဖို့ စိုးရိမ်ရတဲ့ နောက်ဆက်တွဲ အခြေအနေတွေကို
ဖြစ်စေနိုင်ပါတယ်။
ချစ်သောသူနှင့် ကွေကွင်းရချိန်မှာ ဖြစ်တတ်သော ဝေဒနာများ
ချစ်တဲ့သူနဲ့ ကွေကွင်းရပြီးချိန်မှာ ခံစားရတတ်တဲ့ ဝေဒနာတွေဟာ ဆေးကုသမှုလို အပ်သလား၊ မလိုအပ်ဘူး လားဆိုတာကို စိတ်ကျန်းမာရေးဆရာဝန်တွေအနေနဲ့ လေ့လာခွဲခြမ်းစိတ်ဖြစ်နေဆဲပါပဲ။ ချစ်တဲ့သူတစ်ဦးကို ဆုံးရှုံးရပြီးတဲ့ ပထမလအနည်းငယ်အတွင်းမှာ ပူဆွေးသောကရောက်ရတဲ့ ဝေဒနာတွေ ခံစားရတာက ပုံမှန် ပါပဲ။ ဒါပေမယ့် မေ့ပျောက်သင့်တဲ့အချိန်ကာလ ကျော်လွန်တဲ့အထိ ပူဆွေးသောကခံစားနေရတာဟာ ပုံမှန်မဟုတ်တော့ပါဘူး။ တချို့လူတွေမှာ ပူဆွေးသောကဟာ လျော့ပါးသွားရမယ့်အစား ပိုတိုးလာတာ၊ ပိုပြင်းထန်တဲ့ နောက်ခံစားမှု တစ်မျိုးနဲ့ဒွန့်တွဲ ဖြစ်ပေါ်လာတာ (ဥပမာ ပြောရရင် ပူဆွေး သောကနဲ့တွဲပြီး အသက်မရှင်ချင်တော့ လောက်အောင် စိတ်ဓာတ်ကျလာတာမျိုး) တွေကို ခံစားလာရရင်တော့ ဒါဟာ နာတာရှည် စိတ်ဝေဒနာဖြစ်လာပြီး ဖြစ်တဲ့အတွက် လျစ်လျူရှုထားလို့တော့ မရတော့ပါဘူး။ ပူဆွေးသောက
ရောက်နေကြောင်း သိသာထင်ရှားတဲ့ လက္ခဏာတွေကတော့ -
ချစ်တဲ့သူသေဆုံးရတဲ့အကြောင်းနဲ့ ချစ်တဲ့သူထားရစ်ခဲ့တဲ့ အသုံးအဆောင်တွေကိုပဲ ကိုင်တွယ်ကြည့် ရှုနေတာမျိုး၊
ဆုံးရှုံးမှုကို ပြန်ရနိုင်ဖို့ ပြင်းပြင်းထန်ထန်ပြန်လည် တောင့်တနေတာမျိုး၊ ရင်ကွဲနေကျမတတ် ငိုကြွေးနေတာမျိုး၊
သေဆုံးသွားတယ်ဆိုတာကို ဘယ်လိုမှလက်မခံနိုင်တာမျိုး၊
တုန်ယင်ခြင်း ဒါမှမဟုတ် ကတုန်ကယင် ဖြစ်နေတာမျိုး၊
ဝမ်းနည်းကြေကွဲမှုကို ဘာနဲ့မှ ပြန်အစားမထိုးနိုင်တာမျိုး၊
ဆုံးရှုံးမှုကို ခါးသီးနာကျင်နေတာမျိုး၊
ပျော်ပျော်နေနိုင်ဖို့ မစွမ်းဆောင်နိုင်တာမျိုး၊
စိတ်ဓာတ်ကျခြင်းနဲ့ နက်နက်ရှိုင်းရှိုင်း ၀မ်းနည်းခြင်းတို့ကို ခံစားနေရတာမျိုး၊
ပုံမှန်လုပ်ငန်းဆောင်တာတွေကိုတောင် မလုပ်ဆောင်နိုင်တာမျိုး၊
ဘ၀မှာ နေသားတကျမဖြစ်တော့တာမျိုး၊ လေလွင့်နေတာမျိုး၊
လူမှုရေးတွေမှာ ပါဝင်ဆောင်ရွက်ခြင်း မရှိတော့တာမျိုး၊
ဘ၀မှာ ရပ်တည်နေထိုင်ရတဲ့ အဓိပ္ပာယ်နဲ့ ဦးတည်ချက်မရှိတော့တာမျိုး၊
စိတ်ကသိကအောက်ဖြစ်နေတာမျိုး၊
တခြားသူတွေအပေါ် မယုံကြည်တော့တာမျိုး ... အစရိတဲ့ခံစားချက်တွေကို ခံစားရတတ်ပါတယ်။ ဆရာဝန်နှင့် တိုင်ပင်ဆွေးနွေး သင့်သလား
စောစောက ပြောပြထားတဲ့ ဝေဒနာတွေကို ခံစားရတာကြောင့် ဆရာဝန်နဲ့ ဆွေးနွေးတိုင်ပင်ဖို့ လိုအပ်နေ သလားဆိုတာကို ခံစားနေရသူရဲ့ မိသားစု အသိုင်းအ၀ိုင်းတွေက သိဖို့လိုအပ်ပါတယ်။ ချစ်တဲ့သူနဲ့ သေကွဲ ပဲကွဲ ကွဲ၊ ရှင်ကွဲပဲကွဲကွဲ... ၀မ်းနည်းပူဆွေးမှုကိုတော့ အနည်းနဲ့ အများခံစားတတ်တာ သဘာဝပါ။ လူအများ စုဟာ ပူဆွေးသောကခံစားရချိန်မှာ မိဘနဲ့မိတ်ဆွေသူငယ်ချင်းတွေရဲ့ ဖေးမအားပေးမှုတွေကြောင့် တဖြည်း
ဖြည်း ပုံမှန်ဘ၀ကို ရောက်ရှိလာတတ်ပါတယ်။ ချစ်တဲ့သူနဲ့ ကွေကွင်းရတဲ့ အချိန်ကာလကကြာပြီဆိုရင် ဒါမှ မဟုတ် တဖြည်းဖြည်းလျော့သွားရမယ့်အစား ဝေဒနာ ပိုပိုတိုးလာရင်တော့ ဆရာဝန်နဲ့ တွေ့ဆုံဆွေးနွေးဖို့ လိုအပ်ပါတယ်။
ချစ်တဲ့သူရဲ့ သေဆုံးမှုကိုပဲတွေးမိနေရင်
ချစ်တဲ့သူသေဆုံးရာမှာ ကြာရှည်ခံစားနေရရင်
ကိုယ့်ကိုကိုယ် အပြစ်တင်တဲ့အတွေးတွေဝင်နေရင်
ဘ၀က ဘာမှအဓိပ္ပာယ်မရှိဘူးလို့တွေးမိနေရင်
သင်ချစ်တဲ့သူနဲ့အတူ လိုက်သေဆုံးသင့်သလားဆိုတာကိုပါ တွေးမိနေရင်... စိတ်ကျန်းမာရေးဆရာ ၀န်နဲ့တွေ့ဆုံဆွေးနွေးသင့်နေပါပြီ။
နောက်ဆက်တွဲ ပူဆွေးသောကခံစားနေရသော အကြောင်းရင်းများ
ချစ်တဲ့သူနဲ့ ကွေကွင်းပြီးချိန်မှာ နောက်ဆက်တွဲပူဆွေးသောက ခံစားနေရတဲ့အကြောင်းရင်းကို တိတိကျကျ မသိကြသေးပါဘူး။ လူတစ်ယောက်ရဲ့ မျိုးရိုးဗီဇ၊ ပတ်ဝန်းကျင်၊ ခန္ဓာကိုယ်ရဲ့ သဘာဝဓာတုဖြစ်စဉ်နဲ့ ကိုယ် ရည်ကိုယ်သွေးတို့အပေါ် ပူတည်ပြီးခံစားရတဲ့ စိတ်ကျန်းမာရေးပြဿနာတွေဟာ လူတွေမှာ ပြောင်းလဲနေ ပါတယ်။
အဆင့်(၁) - ဆုံးရှုံးသွားပြီဆိုတာကို တကယ်လက်ခံလိုက်ခြင်း၊
အဆင့်(၂) - ဆုံးရှုံးတဲ့နာကျင်မှုကို ခံစားခွင့်ပြုလိုက်ခြင်း၊
အဆင့်(၃) - ဆုံးရှုံးမှုကို မေ့ပျောက်နိုင်ဖို့ လက်တွေ့အခိုက်အတန့်နဲ့ ညှိနှိုင်းခြင်း၊
အဆင့်(၄) - တခြားဆက်ဆံရေးတွေနဲ့ လိုက်လျောညီထွေဖြစ်အောင် နေထိုင်ခြင်း၊
အဆင့်(၅) - ပုံမှန်အတိုင်းဖြစ်အောင်နေထိုင်ပြီး တိုက်ဆိုင်မှုရှိမှသာ လွမ်းဆွတ်တတ်ခြင်း စတဲ့အချက်တွေပဲ
ဖြစ်ကြပါတယ်။
ပူဆွေးသောကကြောင့်ဖြစ်တတ်သော နောက်ဆက်တွဲ အန္တရာယ်များ
ချစ်တဲ့သူနဲ့ ကွေကွင်းရပြီးတဲ့အချိန်မှာ ပူဆွေးသောကရောက်ရတဲ့အပြင် ဖြစ်တတ်တဲ့ နောက်ဆက်တွဲ
ပြဿနာတွေကတော့ -
မမျှော်လင့်ဘဲ ရုတ်တရက် သေဆုံးရခြင်း၊
ချစ်တဲ့သူက ကိုယ့်ကိုကိုယ်သတ်သေခြင်းကြောင့် ကိုယ်ပါကြံစည်ချင်စိတ်ပေါ်ခြင်း၊
အားပေးကူညီမယ့် မိတ်ဆွေ အပေါင်းအသင်းမရှိခြင်း၊
ကလေးဘ၀တုန်းက လျစ်လျူရှုခံရတာ၊ ပစ်ပယ်ခံရတာ စတဲ့နာကျင်ဖွယ်ရာ အတိတ်ဆိုးရှိခြင်း၊
ကလေးဘ၀က မိဘာတွေကွဲသွားတာနဲ့ စွန့်ပစ်ခံရတာ စတဲ့အဖြစ်အပျက်မျိုး ကြုံဖူးခြင်း၊
ဆုံးရှုံးသွားတဲ့သူအပေါ် မှီခိုအားထားနေရခြင်း၊
သေဆုံးမည်ကို ကြိုမတွေးထားမိဘဲ မမျှော်လင့်ဘဲ ကြုံတွေ့လိုက်ရခြင်း၊
ဘ၀အပြောင်းအလဲအပေါ် လိုက်လျောညီထွေနေနိုင်စွမ်း နည်းပါးခြင်းစတဲ့ အချက်တွေကို ခံစားရ တတ်ပါတယ်။
အန္တရာယ်ရှိသော အပြုအမှုများ
ချစ်တဲ့သူနဲ့ ကွေကွင်းရခြင်းကြောင့် ခံစားရတတ်တဲ့ ပူဆွေးသောကဟာ စိတ်ပိုင်း၊ ရုပ်ပိုင်းနဲ့ လူမှုရေးပိုင်း
တွေကို ထိခိုက်စေနိုင်ပါတယ်။ ဒါကြောင့် သင့်တော်တဲ့ ကုသမှုကို မခံယူရင် အောက်ပါပြဿနာတွေကို ခံစားရစေနိုင်ပါတယ်။
စိတ်ကျရောဂါ၊
ကိုယ့်ကိုကိုယ်သတ်သေလိုတဲ့ အတွေးပေါ်ခြင်း၊
နှလုံးရောဂါ၊ ကင်ဆာရောဂါနဲ့ သွေးတိုးရောဂါတွေလို အန္တရာယ်ရှိတဲ့ ရောဂါတွေ ခံစားရနိုင်ခြေ မြင့်မားခြင်း၊
စိတ်ဖိစီးမှုခံစားရခြင်း၊
မူးယစ်ဆေးဝါးစွဲခြင်း၊
ဆေးလိပ်နဲ့ အရက်စွဲခြင်း။ ပူဆွေးသောကကြောင့် နောက်ဆက်တွဲဝေဒနာမရအောင် ကာကွယ်မှု
ချစ်တဲ့သူနဲ့ ကွေကွင်းပြီးချိန်မှာ နောက်ဆက်တွပြဿနာမခံစားရအောင် ပူဆွေးသောကကို ဘယ်လိုထိန်း ချုပ်သင့်တယ်ဆိုတဲ့ တိကျတဲ့ အကြံပြုချက်တော့မရှိသေးပါဘူး။ ၀မ်းနည်းပူဆွေးမှုကို စခံစားရတဲ့အခိုက်မှာ အကြံဥာဏ်တောင်းခံတာ၊ စိတ်ပိုင်းဆိုင်ရာအကြံပေးနိုင်သူနဲ့ တွေ့ဆုံဆွေးနွေးတာတွေက ကောင်းတဲ့နည်း လမ်းတွေပါပဲ။
မိသားစု၊ မိတ်ဆွေသူငယ်ချင်းတွေနဲ့ စုရုံးနေထိုင်တာက တစ်ယောက်တည်းနေထိုင်တာထက် ပိုမိုကောင်း မွန်တဲ့နည်းလမ်းပါ။
ဘာသာတရားကိုင်းရှိုင်းတာနဲ့ ကုသိုလ်ကောင်းမှုများများပြုလုပ်တာတွေဟာလည်း ပူဆွေးသောကကို ခံနိုင် ရည်ရှိစေပြီး လောကဓံတရားကို အံတုရင်ဆိုင်နိုင်စေပါတယ်။
ပူဆွေးသောကရောက်နေခိုက်မှာ ပြုလုပ်သင့်သော အပြုအမူများ
"သေသောသူကြာရင်မေ့" ဆိုတဲ့စကားနဲ့ မညီညွှတ်ဘဲ မမေ့နိုင်၊ ဆွေးမြည့်ခံစားနေရရင်တော့ သင်ပြုလုပ် သင့်တဲ့ နည်းလမ်းတွေရှိပါတယ်။။
ကုသမှုအစီအစဉ်ချပါ - ဆရာဝန်နဲ့ တွေ့ဆုံပြီး ဆေးကုသမှုခံယူဖို့အတွက် တိုင်ပင်ဆွေးနွေးပါ။
ပုံမှန် ကိုယ်လက်လှုပ်ရှားမှု ပြုလုပ်ပါ - ပုံမှန်ကိုယ်လက်လှုပ်ရှားမှု ပြုလုပ်တာက စိတ်ဓာတ် ကျခြင်း၊ စိတ်ဖိစီးမှုနဲ့ ပူပင်သောကတို့ကို သက်သာလျော့ပါးစေပါတယ်။
ကိုယ့်ကိုကိုယ် ဂရုစိုက်ပါ - ကိုယ့်ဘ၀ကို တန်းဖိုးထားပြီး ကျန်ရှိနေတဲ့အချိန်အပိုင်းအခြား အတွင်း မှာ ကျန်းမာနေအောင် နေမယ်ဆိုတဲ့စိတ်ကိုမွေးပါ။ အနားများများယူပါ၊ အာဟာရပြည့်ပြည့်၀၀ စားသောက်ပါ၊ အရက်နဲ့ မူးယစ်ဆေးဝါးကို မသုံးပါနဲ့။
လူမှုရေးလုပ်ငန်းများ လုပ်ဆောင်ပါ - သင့်ပတ်ဝန်းကျင်မှာ ရှိတဲ့ လူတွေကို တတ်နိုင်သမျှ အကျိုးပြု နိုင်ဖို့အတွေက် စေတနာ့ဝန်ထမ်းအလုပ်တွေကို ပါဝင်လုပ်ဆောင်ပေးပါ။
နှစ်ပါတ်လည်အခမ်းအနားများအတွက် ကြိုတင်ပြင်ဆင်ပါ - သင်ချစ်တဲ့သူအတွက် အလှူ ဒါန ကောင်းကောင်းပြုလုပ်နိုင်အောင် ကြိုတင် စဉ်းစားထားပြီး ပြင်ဆင်နေတာကလည်း ၀မ်းနည်း ပူဆွေးမှုကို လျော့ပါးစေပါတယ်။
ခံစားချက်ကို ဖွင့်ဟပြောပါ - သင့်စိတ်ထဲမှာ မြုံပြီး တစ်ယောက်တည်း ကျိတ်ခံစားမနေသင့်ပါဘူး။ သင်ချစ်တဲ့သတွေကို အလွန်အမင်းသတိရလွမ်းဆွတ်တဲ့အခိုက်မှာ သင့်ကို နားလည်စာနာပေးနိုင် မယ့်သူကို ဖွင့်ဟပြောပြလိုက်ပါ။
0 comments:
Post a Comment