Friday, August 30, 2013

ထိုင်းနှင့် မြန်မာ လက်ရွေးစင် ကစားသမားဟောင်းများ ယခုလ ၃၀ ရက်နေ့ ခြေစမ်းမည်


သြဂုတ်လ ၃၀ ရက်နေ့၊ ညနေ (၄)နာရီတွင် ရန်ကုန်မြို့ သုဝဏ္ဏကွင်း၌ ကျင်းပမည့် မြန်မာနှင့်ထိုင်း လက်ရွေးစင် ဟောင်းများ ခြေစမ်းပွဲ အတွက် မြန်မာ့ လက်ရွေးစင် ဟောင်းများအသင်း လူစာရင်းကို ထုတ်ပြန်လိုက်သည်။
မြန်မာ့ လက်ရွေးစင် ဟောင်းများ အသင်းကို အဖွဲ့ခေါင်းဆောင် အဖြစ် မြန်မာနိုင်ငံ ဘောလုံးအဖွဲ့ချုပ် အထွေထွေ အတွင်းရေးမှူး ဦးတင်အောင်၊ အုပ်ချုပ်သူ ဦးမျိုးဝင်းညွန့်၊ ဦးလှရွှေလေး၊ အတွင်းရေးမှူး ဦးအောင်စိုးမိုး၊ နည်းပြများအဖြစ် ဦးအေးမောင်ကြီးနှင့် ဦးရဲညွန့်တို့မှ တာဝန်ယူကြမည် ဖြစ်သည်။
အဆိုပါ ခြေစမ်းပွဲတွင် ယှဉ်ပြိုင်ကြမည့် ထိုင်းနှင့်မြန်မာ နှစ်သင်းစလုံးမှ ကစားသမား ဟောင်းများသည် အသက်(၄၀)ကျော် ကစားသမားများ ဖြစ်ကြပြီး ၁၉၉၃ ဆီးဂိမ်းစ် ဗိုလ်လုပွဲတွင် ဆုံတွေ့ခဲ့ သည့် မြန်မာနှင့်ထိုင်း ကစားသမား အများစု ပါဝင်ကြမည် ဖြစ်သည်။

မြန်မာ့ လက်ရွေးစင် ဟောင်းများအသင်း

ဂိုး- အောင်ကျော်ကျော်၊ စိုင်းမောင်မောင်ဦး
နောက်တန်း- မင်းဇော်ဦး၊ စိုးနိုင်(ကြည်း)၊ မြင့်ကို၊ ရဲထွဋ်၊ သန်းဝေ၊ ထွန်းမြင့်လွင်၊ ငွေထွန်း၊ ချစ်နိုင်၊ အေးနိုင်၊ ဇော်လေးအောင်
အလယ်တန်း- တင်မျိုးအောင်၊ ကြည်လွင်၊ ကျော်မင်း၊ မောင်မောင်ဌေး၊ ကျော်လွင်၊ တင်မောင်ထွန်း၊ ထွန်းထွန်းထက်၊ သန်းတိုးအောင်၊ ဟန်ထွန်း၊
ရှေ့တန်း- ၀င်းအောင်၊ မျိုးလှိုင်ဝင်း၊ အောင်ထွန်းထွန်း၊ အောင်နိုင်၊ ဇော်ဝင်းထွန်း၊ တင်ထွေး

0 comments:

Post a Comment

Related Posts Plugin for WordPress, Blogger...