Facebook ကို like လေးပေးစေချင်ပါတယ်
သံတွဲမြို့တွင် သာသနာ့အလံပါ ဆိုင်ကယ်အား အိမ်ရှေ့တွင် ရပ်နား၍ ဆဲဆိုမှု ဖြစ်ပေါ်ခဲ့ပြီးနောက် တရားခံအား အာမခံဖြင့် လွှတ်လိုက်သည်ကို မကျေနပ်၍ မီးရှို့မှု ဖြစ်ပွားသည်ကို သက်ဆိုင်ရာမှ ထိန်းသိမ်းလျက် ရှိကြောင်း သတင်းရရှိသည်။
ဖြစ်စဉ်မှာ သံတွဲမြို့၊ ဒွာရ၀တီ (က) ရပ်ကွက်၊ ၆ လမ်းနေ ရဲသီဟ(ခ)နိုင်ဦး (၃၀)နှစ် (ဘ)ဦးသိန်းနိုင်၊ ၁၁/မပန(နိုင်)၀၆၀၈၁၃၊ ရခိုင်၊ ဗုဒ္ဓ၊ သုံးဘီးတက္ကစီ မောင်းသူသည် ၎င်းမောင်းနှင်သည့် သုံးဘီးဆိုင်ကယ်အား စက်တင်ဘာ ၂၈ ရက်၊ နံနက် ၉ နာရီခွဲ အချိန်တွင် အမှတ် (၃) ရပ်ကွက် ရွှေဘုံသာ လမ်းထဲတွင် ရပ်ထားစဉ် ငပလီ စက်ပစ္စည်း ရောင်း ၀ယ်ရေး ဆိုင်ပိုင်ရှင် ဦးကျော်ဇံလှက သာသနာ့အလံပါ ဆိုင်ကယ်အား ၎င်းအိမ်ရှေ့တွင် ရပ်နားသဖြင့် ရဲသီဟအား ညစ်ညမ်းစွာ ခြိမ်းခြောက်ဆဲ ဆိုခဲ့၍ ရဲသီဟ (ခ) နိုင်ဦးက ဦးကျော်ဇံလှအား အရေးယူပေးရန် တရားလို ပြုလုပ်ပြီး သံတွဲမြို့မ ရဲစခန်းသို့ တိုင်တန်းခဲ့ကြောင်း သိရသည်။
ဖြစ်စဉ်နှင့် ပတ်သက်၍ မွန်းလွဲ ၂ နာရီ ၃၀ အချိန်တွင် သံတွဲမြို့မ ရဲစခန်းမှ (ပ)၇၈/၂၀၁၃၊ ပြစ်မှုပုဒ်မ-၂၉၄/၅၀၆ အရ အမှုအား ဒုရဲအုပ်နေလင်းမှ လက်ခံစစ်ဆေးခဲ့ကြောင်း၊ ထိုကဲ့သို့ ဥပဒေနှင့်အညီ ဆောင်ရွက်ပေး ခဲ့သော်လည်း မွန်းလွဲ ၃ နာရီခွဲ အချိန်တွင် ဆိုင်ကယ်တက္ကစီသမား ၃၅ ဦးခန့်မှ ဦးကျော်ဇံလှ ဆိုင်ရှေ့သို့ ထပ်မံစုရုံး ရောက်ရှိလာ၍ သံတွဲခရိုင် အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး၊ သိမ်ကုန်းဆရာတော်တို့မှ မလိုလားအပ်သော ပြဿနာများ မဖြစ်ပွားစေရေး ဖျန်ဖြေပေးခဲ့၍ ၃ နာရီ ၄၀ မိနစ်တွင် လူစုကွဲသွားခဲ့ကြောင်း ပြည်နယ်အစိုးရအဖွဲ့မှ သတင်းထုတ်ပြန်ခဲ့သည်။
စက်တင်ဘာ ၂၉ ရက် မွန်းလွဲ ၂ နာရီတွင် ဦးကျော်ဇံလှ (ကမန်၊ အစ္စလာမ်)အား သံတွဲရဲစခန်းမှ အာမခံဖြင့် လွှတ်လိုက်ကြောင်းနှင့် ယင်းကိုမကျေနပ်သူ အချို့က ဦးကျော်ဇံလှ နေအိမ်ကို ခဲဖြင့်ပစ်ခတ်မှု ဖြစ်ပွားခဲ့ကြောင်းနှင့် ည ၇ နာရီအချိန်တွင် သံတွဲမြို့ နေရာအချို့တွင် ဆူပူမှုများ ဖြစ်ပွားခဲ့ပြီး နေအိမ်နှစ်လုံးခန့် မီးလောင်မှု ဖြစ်ပွားခဲ့ကြောင်း၊ လုံခြုံရေး တာဝန်ရှိများက လူစုခွဲ၍ ထိန်းသိမ်းဆောင်ရွက်လျက်ရှိကြောင်း သိရသည်။
Eleven Media Group
Monday, September 30, 2013
သံတွဲမြို့တွင် သာသနာ့အလံပါ ဆိုင်ကယ်အား အိမ်ရှေ့တွင် ရပ်နား၍ ဆဲဆိုမှု ဖြစ်ပေါ်ခဲ့ပြီး တရားခံအား အာမခံ ပေးလိုက်ခြင်းကို မကျေနပ်၍ မီးရှို့မှုဖြစ်ပွားခဲ့ရာ သက်ဆိုင်ရာမှ ထိန်းသိမ်းလျက်ရှိ
.jpg)
0 comments:
Post a Comment