Friday, September 20, 2013

ပုဂ္ဂလိကဘဏ်များသို့ တရားဝင် နိုင်ငံတကာ ငွေလွှဲနှုန်းတက်






နိုင်ငံတကာမှ မြန်မာနိုင်ငံသို့ ယခင်က ဟွန်ဒီဖြင့်သာ ငွေလွှဲကြရာမှ ယခုနှစ်တွင် ပုဂ္ဂလိက ဘဏ်များသို့ တရားဝင်လွှဲငွေ ဝင်ရောက်မှုနှုန်း တက်လာကြောင်း ပုဂ္ဂလိကဘဏ် အသိုင်းအဝန်းထံမှ စုံစမ်းသိရှိရသည်။

နိုင်ငံတကာ ငွေလွှဲလုပ်ငန်း စတင်လုပ်ကိုင်သည့် ဖေဖော်ဝါရီလမှ စက်တင်ဘာ လဆန်းပိုင်းအထိ နှိုင်းယှဉ်ပါက တိုးတက်မှု ၃၀ ရာခိုင်နှုန်းမှ ၅၀ ရာခိုင်နှုန်းအထိ ရှိကြောင်း ကမ္ဘောဇဘဏ် ဒုတိယ အုပ်ချုပ်မှုဒါရိုက်တာ ဦးဇော်လင်းထွဋ်က ပြောကြားသည်။
“စလုပ်တဲ့အချိန်တုန်းက ငါးနိုင်ငံလောက်ကပဲ အဝင်ရှိတယ်။ အခုနိုင်ငံ ၇၀ လောက်ရှိသွားပြီ” ဟု ဦးဇော်လင်းထွဋ်က ဆိုသည်။

ငွေလွှဲခြင်းလုပ်ငန်းကို Western Union နှင့် ချိတ်ဆက်၍ မြောက်ကိုရီးယားနှင့် အီရန်နိုင်ငံတို့မှအပ ကျန်နိုင်ငံ အားလုံးမှ ငွေလွှဲလျက် ရှိကြောင်း သမဝါယမဘဏ် နိုင်ငံတကာ ငွေလွှဲဝန်ဆောင်မှုဌာနမှ တာဝန်ရှိသူတစ်ဦးက ပြောကြားသည်။

သမဝါယမဘဏ်သို့ နိုင်ငံတကာမှ ငွေလွှဲပြောင်း ပေးပို့ရာတွင် ဥရောပနှင့် အာရှနိုင်ငံများထက် အမေရိကန်ပြည်ထောင်စုမှ လွှဲပြောင်းပေးပို့မှု အများဆုံး ဖြစ်ကြောင်း ၎င်းကပြောဆိုသည်။

လွှဲငွေပမာဏကိုမူ ဗဟိုဘဏ်က တားမြစ်ထားသဖြင့် ပြောဆိုနိုင်ခြင်း မရှိကြောင်း ပုဂ္ဂလိကဘဏ်များထံမှ သိရသည်။


The Voice Weekly

0 comments:

Post a Comment

Related Posts Plugin for WordPress, Blogger...