တောင်ကျရေပြင်းထန်ပြီး ရေကြီးရေလျှံမှုကြောင့် ပျက်ဆီးရှုံးမှုများ

Facebook ကို like လေးပေးခဲစေချင်ပါတယ်





စစ်ကိုင်းတိုင်းတိုင်းဒေသကြီး၊ ကလေးမြို့တွင် စက်တင်ဘာ(၂၉) ရက်ညပိုင်းမှ စ၍ အဆက်မပြတ်မိုးရွာသွန်းမှုကြောင့် နေရဉ္ဇရာချောင်း၊ ဥပုသ်ချောင်း၊ နန်းကလိန်
ချောင်းတို့ ရေကြီးရေလျှံမှုများဖြစ်ပွားသဖြင့် ပျက်ဆီးဆုံးရှုံးမှုများစွာ
ဖြစ်ပွားကြောင်း ဒေသခံများထံမှ သိရသည်။

ယင်းချောင်းများ ရေကြီးရေလျှံမှုကြောင့် ဆိပ်ကမ်းသာတံတား ၊ ဥပုသ်ချောင်းတံတား၊ နတ်တံခါးချောင်းတံတားများ အပါအဝင် တံတားစုစုပေါင်း (၁၅)စင်းပျက်စီးခဲ့ကြောင်း မြို့နယ်ပြည်ခိုင်ဖြိုးရုံးမှ တိုင်းဒေသကြီးအစိုးရသို့ ပေးပို့သည့် စာရင်းအရ သိရသည်။
“ကာယကံမေတ္တာ လူမှုကူညီရေးက မော်လိုက်ကလေးရွာနှင့် သဖန်းအိုင်ရွာကို သွားပြီး ရေဘေးဒုက္ခ ရောက်သူတွေကို ကူညီမှုလုပ်ခဲ့ပါတယ်။ ဆန်(၁၀)တင်းနှင့်ငါးပိ၊
ဆား၊ ဆီတွေ လှူခဲ့ပါတယ်။ ခိုင်းနွားနှင့်ကျွဲတွေ ဆုံးရှုံးမှု များတယ်လို့ သိရတဲ့အတွက် စာရင်းပြုစုဖို့ ပြောထားပါတယ်။ မနက်ဖြန်တော့ ကာယကံမေတ္တာ ကုသိုလ်ဖြစ် ဆေးခန်းက ရေဘေး ဒုက္ခသည်တွေကို လှည့်လှည် ဆေးကုသမှု ပေးပါမယ်။ ရန်ကုန်နာကူက လှူထားတဲ့ ဆေးပစ္စည်းတွေကို လက်တွေ့ သွားလှူကြမှာပါ”ဟု ကာယကံမေတ္တာ လူမှုကူညီသူများ ဦးဆောင်ဆရာတော် ဥုးဓမ္မိက က
မိန့်ကြားသည်။

“မြို့ပေါ်မှာတင် ဒုက္ခသည် စခန်း (၇)ခု ဖွင့်ထားရတဲ့ အခြေနေကို ရောက်နေပါတယ်။ မြို့အနီးနားရွာတွေက ရေဘေး ဒုက္ခသည်တွေ အပါအ၀င် ရေဘေးဒုက္ခသည်
အိမ်ထောင်စု စုစုပေါင်း(၂၈၉)စုခန့် ရှိနေပါတယ်။ တိုင်းဒေသကြီး အစိုးရရဲ့ အစီအစဉ်နဲ့ ရေဘေးဒုက္ခသည် အိမ်ထောင်စု တစ်စုကို ဆန်လေးပြည်စီ
လှူပါတယ်။ နန်းကလိန်ချောင်း တံတားကိုလည်း ဖြတ်သန်း သွားလာနိုင်အောင် နေ့ချင်းပြီး ဆောင်ရွက်ထားမှု အခြေနေရှိပါတယ်” ဟု တိုင်းဒေသကြီးလွှတ်တော် ကိုယ်စားလှယ် ဦးခင်မောင်သန်းက ပြောသည်။

ကလေးမြို့ ရေကြီးမှုသည် မြစ်သာမြစ်နှင့် ချင်းတွေမြစ်ရေထောက်၍ တက်သည့်
ပုံစံမျိုး မဟုတ်ဘဲ တောင်ကျချောင်း ရေများပြီး ရေစီးသန်သောရေကြီးမှု ပုံစံဖြစ်ကြောင်း၊ တောင်သူများ အတွက် ခိုင်းနွားနှင့်ကျွဲများ မျောပါဆုံးရှုံးမှု
ပမာဏများပြီး စာရင်းပြုစုလျက်ရှိကြောင်း၊ ကျေးရွာများတွင် ရေစီးမျောပါသည့် လူပျောက်စာရင်းကိုလည်း ပြုစုလျက်ရှိကြောင်း၊ စက်တင်ဘာ(၃၀)ရက်နေ့ အထိ မြစ်သာဖြစ်ရေမှာ ၁၁၅၈ စင်တီမီတာနှင့် ချင်းတွင်းမြစ်ရေမှာ ၁၁၅၆ စင်တီမီတာရှိ နေကြောင်း ကလေးဝမြို့ မိုးဇလ ဌာနမှ သိရသည်။

ကျော်သူစိုး(ကလေးမြို့)
The Myanma Age

Posted in: ပြည်တွင်းသတင်း