အသံနဲ့ ပတ်သက်ပြီး လေ့ကျင့်မှု အပိုင်းတွေ မရှိပါဘူး။ ဘုရားပေးတဲ့ အသံအတိုင်း
ပါရမီအတိုင်းပါပဲ။ ဒါကြောင့် အသံနဲ့ပတ်သက်ပြီး လေ့ကျင့်မှု အပိုင်းတွေလုံးဝမလုပ် ဖြစ်တာပါ။ ဘာဖြစ်လို့လဲဆိုတော့ လေ့ကျင့်ပြီးတော့ ထွက်လာတဲ့ အသံတိုင်း တစ်သမတ်တည်းထွက် လာတဲ့ ပုံစံမျိုးကို အိုင်ရင်းလုံးဝမ ကြိုက်ပါဘူး။ အိုင်ရင်း ဒီပွဲမှာ Style တစ်ခုနဲ့ဆိုမယ်။ နောက်ထပ်တစ်ပွဲကျရင် Style တစ်မျိုးနဲ့ သီဆိုမယ်ဆိုတဲ့ ရည်ရွယ်ချက်ပေါ့။ အမြဲတမ်း သီချင်းဆိုနေတာကလည်း လေ့ကျင့်မှုတစ်ခုပါပဲ။
အိုင်ရင်း ငါးနှစ်သမီးကတည်းက သီချင်းတွေ့လာခဲ့တဲ့ အတွေ့အကြုံ တွေရှိခဲ့တာကြောင့်လည်း ပါဝင်ပါတယ်။ ညီမရင်ထဲမှာ အခုချိန်မှာ ခံ စားနေတဲ့ အကြောင်းအရာလေး တစ်ခုရှိပါတယ်။ ညီမရောက်နေတဲ့ နေရာလေးပေါ်မှာပဲ မူတည်ပါတယ်။ ဘာဖြစ်လို့လဲဆိုတော့ အခု အဆိုပြိုင်ပွဲဝင်ပြိုင်တဲ့ သူတွေအ တွက်ပဲ စိုးရိမ်နေမိတယ်။ ညီမက လည်း အဆိုပြိုင်ပွဲကနေလာတဲ့သူ တစ်ယောက်ပါ။ အဆိုပြိုင်ပွဲဝင်မယ့် သူတွေအတွက် အိုင်ရင်းက သူတို့ ကိုယ်စားရင်တွေခုန်နေမိတယ်။ အိုင်ရင်းရဲ့ သီချင်းတော်တော်များများ ကိုတော့ အဆိုပြိုင်ပွဲတိုင်းမှာ သီဆို ပြိုင်ပွဲဝင်တာကို အမြဲလိုလိုကြားမိပါတယ်။
အိုင်ရင်းဘက်ကတော့ ခွင့်ပြုပါတယ်။ တေးရေးဆရာတွေ ဘက်ကနေ သူတို့ရပိုင်ခွင့်ကိုသာ ပေးမယ်ဆိုရင်တော့ ဘာမှ ကန့်ကွက် စရာတစ်ခုမှ မရှိပါဘူး။ အခုဆိုရင် သီချင်းဆိုပြိုင်ပွဲတွေအများကြီးပေါ် ပေါက်လာကြတယ်။ အဲဒီအတွက် အဆိုပညာကို ဝါသနာပါတဲ့ လူငယ် တွေအတွက် ကြိုးစားခွင့်တွေ အ များကြီးရလာတာပေါ့။ ပြီးတော့ ရွေးချယ်ပိုင်ခွင့်တွေအများကြီးပိုရှိ လာခဲ့ပါတယ်။ အိုင်ရင်းတို့တုန်းက ဆိုရင် ဆိုကြမယ် ပျော်ကြမယ် ပြိုင် ပွဲနဲ့ Melody World အဆိုပြိုင်ပွဲ နှစ်ခုပဲရှိတာပါ။ ရွေးချယ်စရာ နှစ်ခုပဲရှိတာပေါ့။
အခုဆိုရင် ကိုယ့်ရဲ့ Trand က ဘယ်ဘက်ကိုပိုပြီးအား သာလဲဘယ်ဘက်က ကိုယ့်ကို ပိုပြီး ဆွဲတင်နိုင်မလဲဆိုတာကို ကိုယ်တိုင် ဆုံးဖြတ်ပြီး ရွေးချယ်ပိုင်ခွင့်တွေရှိ လာတော့ အိုင်ရင်းတို့အနေနဲ့ ဝမ်းသာရပါတယ်။ တကယ်လည်း မြန် မာနိုင်ငံအတွက် အဆိုအနုပညာရှင် တွေမွေးထုတ်ပေးနိုင်တဲ့ အဆိုပြိုင်ပွဲ တွေပါ။ အဆိုပြိုင်ပွဲတွေနဲ့ ပတ် သက်ပြီး အိုင်ရင်းပြောချင်တာက အိုင်ရင်းရဲ့ လက်ရှိ အနုပညာသက် တမ်းက အရမ်းနုသေးတယ်။ အဲဒီ ပေါ်မှာ အိုင်ရင်းခံယူရရှိတဲ့ သင် ခန်းစာအရပြောရမယ်ဆိုရင်တော့ အရည်အချင်းအစစ်အမှန်နဲ့ ကြိုး စားရတဲ့သူတွေအတွက်ကတော့ အချိန်တစ်ခုတော့စောင့်ရပါတယ်။ အချိန်အတိုင်းအတာတစ်ခုရောက် လာချင်ရင် ပရိသတ်တကယ်ကို လက်ခံပေးတဲ့အဆိုတော်ကောင်း တစ်ယောက်ဖြစ်မှာပါကြိုးစားကြပါ လို့ပြောချင်ပါတယ်။
ထွန်းမြင့်ဇော်
Saturday, September 21, 2013
အရည်အချင်း အစစ်အမှန်နဲ့ ကြိုးစားတဲ့သူတွေ အချိန်တစ်ခုတော့ စောင့်ရမယ်လို့ဆိုတဲ့ အိုင်ရင်း ဇင်မာမြင့်
0 comments:
Post a Comment