ကင်ဆာ ဖြစ်စေနိုင်သည့် တရုတ်ဆန်များ နယ်စပ်မှတစ်ဆင့် ၀င်လာနိုင်၍ ထိထိရောက်ရောက် စစ်ဆေးရန်လို

တရုတ်ဆန် အချို့တွင် ကင်ဆာဖြစ်စေနိုင်သည့် စက်မှုလုပ်ငန်းသုံး ဓာတုပစ္စည်းတစ်မျိုး ပါဝင်နေကြောင်း၊ ထို့အတွက် စားသုံးရန် မသင့်ကြောင်းနှင့် ဆန်စက်လုပ်ငန်းများ ရပ်ဆိုင်းခြင်း၊ ဆန်များကို ပြန်လည်သိမ်းဆည်းခြင်း ပြုလုပ်လျက်ရှိကြောင်း သတင်းရရှိသည်။

တရုတ်နိုင်ငံ၊ ဂွမ်ဒေါင်းပြည်နယ်၊ ကွမ်ကျိုးမြို့၌ စားသုံးလျက်ရှိသော ဆန်နှင့်ဆက်စပ် စားသောက်ကုန် အချို့တွင် ကင်ဆာဖြစ်စေနိုင်သည့် စက်မှုလုပ်ငန်းသုံး ဓာတုပစ္စည်း တစ်မျိုးဖြစ်သော Cadmium ဓာတ် ပါဝင်နေသည်ကို စစ်ဆေးတွေ့ရှိခဲ့ကြောင်း သိရသည်။

စားသောက်ဆိုင်နှစ်ခုမှ စားသောက်ဖွယ်ရာများကို စတင်စစ်ဆေးရာမှ နောက်ဆုံးတွင် ဆန်တွင် အဆိုပါဓာတ် ပါဝင်နေခြင်းဖြစ်ကြောင်း ကွမ်ကျိုးမြို့ အစားအသောက်နှင့် ဆေးဝါးစီမံ ခန့်ခွဲရေးဌာနမှ စစ်ဆေးတွေ့ရှိကာ ထုတ်ပြန်ခဲ့ခြင်း ဖြစ်သည်။

ကွမ်ကျိုးမြို့ ဆန်နှင့် ဆက်စပ်ထွက်ကုန်များ၏ ၄၄ ဒသမ ၄ ရာခိုင်နှုန်းတွင် အဆိုပါဓာတ် ပါဝင်နေကြောင်း ထုတ်ပြန်ခဲ့ခြင်း ဖြစ်သည်။ ၎င်းအပြင် တရုတ်နိုင်ငံ၊ ယူနန်ပြည်နယ် ကျူကျိုးမြို့ရှိ ဆန်စက်သုံးခုမှ ကြိတ်ခွဲရောင်းချသည့် ဆန်များတွင်လည်း အဆိုပါဓာတ် ပါဝင်နေကြောင်း စစ်ဆေးတွေ့ရှိရ၍ ဆန်စက်သုံးလုံးအား ရပ်ဆိုင်းထားရန်နှင့် ဈေးကွက်အတွင်း ဖြန့်ဖြူးထားသော ဆန်များကို ပြန်သိမ်းရန် အမိန့်ထုတ်ပြန်ခဲ့ကြောင်း သိရသည်။

အထွေထွေရောဂါကု ဆရာဝန်တစ်ဦးက "Cadmium ကို CD လို့ ခေါ်တယ်။ အဲဒီဓာတ်က ဇင့်၊ ပြဒါးဓာတ်တွေနဲ့ တူတယ်။ သတ္တုတူးဖော်ရေး လုပ်ငန်းတွေရဲ့ အောက်ဘက်မှာရှိတဲ့ မြစ်ကမ်းတစ်လျှောက်က သီးနှံနဲ့ ရေတွေမှာ ပါဝင်နေတတ်တယ်။ ကင်ဆာမျိုးစုံ၊ နှလုံးနဲ့ ကျောက်ကပ်ကို အဓိက ထိခိုက်တယ်။ အရင်တုန်းက ဂျပန်မှာ အဖြစ်များခဲ့ဖူးတယ်။ သတိထားသင့်တယ်" ဟု ပြောပြသည်။

အဆိုပါ ဆန်များအား တရုတ်နိုင်ငံရှိ စစ်ဆေးတွေ့ရှိရာ ဒေသများတွင် သိမ်းဆည်းဖျက်ဆီး ခဲ့သည်ဆိုပါက အကြောင်းမဟုတ်သော်လည်း ပတ်ဝန်းကျင် နိုင်ငံများသို့ ဈေးပေါပေါဖြင့် တရားမ၀င် လမ်းကြောင်းမှတစ်ဆင့် ရောင်းချခြင်း၊ ဆန်အနေဖြင့် မဟုတ်ဘဲ စားသောက်ကုန်အဖြစ် Value Added အဆင့် ပြုလုပ်ရောင်းချခြင်းများ ပြုလုပ်လာပါက စိုးရိမ်စရာဖြစ်၍ သတိပြုသင့်ကြောင်း စားသုံးသူများက ပြောကြားသည်။

ထို့ကြောင့် မြန်မာနိုင်ငံ နယ်စပ်တစ်လျှောက်တွင် တရားမ၀င် ဆန်မှောင်ခိုမှုများအား ထိရောက်စွာ စစ်ဆေးရန်လိုကြောင်း တရုတ်နိုင်ငံဖြင့် ကုန်သွယ်မှု ပြုလုပ်နေသည့် လုပ်ငန်းရှင်တစ်ဦးက "ဖျက်ပစ်ရင် အကြောင်းမဟုတ်ဘူး။ ဆန်အနေနဲ့ပဲဖြစ်ဖြစ် စားသောက်ကုန် လုပ်ပြီးပို့ရင်ပဲဖြစ်ဖြစ် ၀င်လာနိုင်တယ်။ ၀င်လာမယ်လို့ပြောတာ မဟုတ်ဘူး။ ၀င်လာနိုင်တယ်။ နယ်စပ်ကနေပဲ တရားမ၀င် ၀င်လာနိုင်တယ်။ ဥပမာ-မြန်မာက ဆန်ကိုဝယ်မယ် အပြန်မှာ အဲဒီဆန်တွေကို အပေါဆုံးဈေးနဲ့ ပြန်ထည့်ပေးလိုက်နိုင်တယ်။ မြန်မာနိုင်ငံကိုလည်း ၀င်လာနိုင်သလို အခြားနီးစပ်တဲ့ နိုင်ငံတွေကိုလည်း ရောက်သွားနိုင်လို့ စိစစ်ဖို့လိုတယ်လို့ ပြောတာပါ" ဟု ပြောပြသည်။


EMG

Read More

ဘာသာရေး အဓိကရုဏ်းဖြစ်ပွားစေရန်ကြိုးစားနေတဲ့ ဤတရာခံ (ရဲတိုက်)

မြန်မာနိုင်ငံမှာ ဖြစ်ပွားနေတဲ့ ဘာသာရေး အဓိကရုဏ်းမှာ ကက်သလစ် ခရစ္စယာန် ဘာသာသူတွေလည်း ပါဝင်လာအောင်ကြိုးစားလုပ်ဆောင်နေတဲ့ (.........) မျိုးရိုး၊ (..........)ဘာသာ၊ မြန်မာသရုပ်ဆောင် ရဲတုိုက်ကို ဘာသာ၊ သာသနာကို ညှိုးနွမ်းအောင်ရည်ရွယ်ချက်အကြံအစည်၊ အပြုအမူ လုပ်ဆောင်ခြင်း ပြစ်မှုဆိုင်ရာ ဥပဒေပုဒ်မ (၂၉၅/က) နဲ့သာ အရေးယူခံရ။ 

"သရုပ်ဆောင်ရဲတိုက်အား ပုဒ်မ ၂၉၅/က ဖြင့်အရေးယူ"
===============================

ယနေ့ နံနက် ၁၀ နာရီက ဗိုလ်အောင်ကျော်လမ်းနှင့်ဗိုလ်ချုပ်လမ်းထောင့်ရှိ စိန်မေရီကာဒီဒြယ် ခရစ်ယာန်ဘုရားကျောင်းတွင် ဘုရားဝင်ရောက် ရှိခိုးရာမှတင်းမာမှုဖြစ်ပေါ်ခဲ့သဖြင့် သရုပ်ဆောင် ရဲတိုက်က နံနက် ၁၁ နာရီကျော်မှစတင်ကာ ဆန္ဒပြခဲ့သည်။

ထို့နောက် နေ့လယ် ၃ နာရီ ၄၅ မိနစ်တွင် ဗိုလ်တစ်ထောင်ရဲစခန်းမှ သူ့ကိုလာရောက်ထိန်းသိမ်းခဲ့ပြီး ညနေ ၅ နာရီ ၄၀ မိနစ်တွင် ဗိုလ်တစ်ထောင်မြို့နယ် ရဲစခန်းမှူး ဦးသာဇံ၏ ထုတ်ပြန်ပြောကြားချက်အရ သရုပ်ဆောင် ရဲတိုက်အား ဘာသာ၊ သာသနာကို ညှိုးနွမ်းအောင်ရည်ရွယ်ချက်အကြံအစည်၊ အပြုအမူ လုပ်ဆောင်ခြင်း ပြစ်မှုဆိုင်ရာ ဥပဒေပုဒ်မ (၂၉၅/က) ဖြင့် အရေးယူထားကြောင်း သိရသည်။

ပေါ်ပြူလာအဖွဲ့သားများ။

Read More

ကမ္ဘာ့ ပုံရိပ်အား အာကာသ အတွင်းရှိ ပတ်လမ်းမှ ပထမဆုံး အကြိမ် ရိုက်ကူးခဲ့သည့် ကင်မရာ တစ်လုံး လေလံတင် ရောင်းချမည်

ကမ္ဘာမြေ၏ ပုံရိပ်များအား ၁၉၇၃ ခုနှစ်တွင် ကမ္ဘာ့ဂြိုဟ် ပတ်လမ်း အတွင်းမှ ပထမဆုံးအကြိမ် အဖြစ် ရိုက်ကူးရာတွင် အသုံးပြု ခဲ့သည့် နာဆာ၏ ရှားပါးသော Hasselblad 500 EL/M အမျိုးအစား ကင်မရာ တစ်လုံး အား

လေလံတင် ရောင်းချ သွားမည် ဖြစ်ကြောင်း သိရသည်။

အဆိုပါ ကင်မရာအား ၁၉၇၃ ခုနှစ်မှ ၁၉၇၉ ခုနှစ်အတွင်း ကမ္ဘာမြေသို့ လည်ပတ်ခဲ့သည့် အမေရိကန် နိုင်ငံ၏ ပထမဆုံး အာကာသယာဉ် Skylab ပေါ်တွင် တပ်ဆင်ခဲ့ခြင်းဖြစ်ပြီး ၎င်းကင်မရာသည် အထူးသဖြင့် Skylab ယာဉ်ကျဉ်းကျုတ် သည့် အခြေအနေမျိုးတွင် အသုံးပြုနိုင်ပြီး အာကာသဝတ်စုံ ဝတ်ဆင်စဉ် ပုံရိပ်များကိုပင် ရိုက်ကူးနိုင်ရန် ပြင်ဆင် ထုတ် လုပ် ထားခြင်း ဖြစ်ကြောင်း သိရသည်။

ထို့အပြင် Skylab အာကာသယာဉ်သည် ကမ္ဘာမြေ၏ ဖွဲ့စည်းပုံ အမျိုးမျိုးအား သိရှိရန်အတွက် ပတ်လမ်းအတွင်း၌ လည် ပတ်ခဲ့ခြင်းဖြစ်ပြီး ၎င်းယာဉ်ပေါ်တွင် အလုပ်ရုံ တစ်ခု၊ နက္ခတ် တာရာနှင့် စောင့်ကြည့် လေ့လာရေး ကင်မရာ တစ်လုံးနှင့် အခြား စနစ်များစွာ ပါဝင်တပ်ဆင် ထားကြောင်း သိရသည်။

Read More

Mec Tel မှ ထုတ်သော 800 Mhz ဖုန်းများအတွက် Internet settings ချိန်နည်း

Mec Tel မှ ထုတ်သော 800 Mhz ဖုန်းများအတွက် Internet settings ချိန်နည်း

ဖော်ပြပါပုံအတိုင်း Settings သို့သွားပါ

ထိုမှတစ်ဆင့် Mobile networks ကိုနှိပ်ပါ

ပေါ်လာသော Mobile network settings ထဲမှ Access Point Names ကိုနှိပ်ပါ

APN ထဲတွင် New APN တစ်ခုလုပ်ပါ

Name တွင် mectel ဟုရိုက်ထည့်ပါ။ထို့နောက် OK ကိုနှိပ်ပါ။

APN တွင် #777 ရိုက်ထည့်ပါ

Username တွင် နှစ်သက်ရာထည့်သွင်းနိုင်ပါတယ်

Password တွင်လည်း ကြိုက်နှစ်သက်ရာရိုက်ထည့်နိုင်ပါတယ်

Prompt password  တွင် #777 ဟုရိုက်ထည့်ပြီး OK ကိုနှိပ်ပါ

ထို့နောက် Edit access point အား Save ပြုလုပ်ပါ။

Mobile network settings တွင် Data enabled အား အမှန်ခြစ်ပေးပြီး ခတ္တခဏစောင့်ဆိုင်းပါ။ အင်တာနက်အသုံးပြု၍မရသေးရင် Restart ပြုလုပ်ပါ

Read More

ခြေလက်တို့ရဲ့ အလှတရား

တချိူ့သူတွေက လူတစ်ယောက်ကိုစတွေ့ပြီဆိုရင် ခြေထောက်ကို (သို့) လက်တွေကို အရင်ကြည့်တတ်ကြတယ်နော်။ ခြေထောက်လေးတွေ လက်လေးတွေ လှမှ သန့်မှ ကြိုက်တတ်ကြတဲ့သူတွေ များတယ်လေ။ အဲဒီတော့ ခြေလက်တို့ရဲ့ အလှတရားကလည်း အရမ်းအရေးပါတာပေါ့။ ခြေထောက်တွေလက်တွေရဲ့ အလှတရားက ဘာဖြစ်မလဲဟင်
??? ခြေထောက်တွေ လက်လေးတွေက မာကြောကြမ်းတမ်းနေတာတွေ၊ အသားမာတွေမရှိဘဲ နူးညံ့ချောမွေ့နေတာပဲပေါ့။ ခြေချောင်း လက်ချောင်းသွယ်သွယ်လေးတွေနဲ့ ဆိုရင် အရမ်းလှတယ်ဆိုပေးမယ့် လုပ်ယူလို့မှမရတာနော်။ အဲဒီတော့ ရတဲ့နည်းလေးတွေနဲ့ ခြေထောက်တွေ လက်တွေရဲ့ အလှတရားကို ပုံဖော်ကြည့်ရအောင်။

Hands

လက်တွေက အလုပ်ပေါင်းစုံလုပ်ရတယ်၊ ပစ္စည်းတွေအများကြီးနဲ့ ထိတွေ့ရတယ်။ အဲဒီတော့ အထူးသဖြင့် ခြောက်သွေ့တဲ့ အသားအရေရှိတဲ့သူတွေ၊ ရေကိုင်များတဲ့သူ ဆပ်ပြာတွေနဲ့ ထိတွေ့မှုများတဲ့သူတွေမှာ လက်ဖ၀ါးတွေ ကြမ်းတမ်းခြောက်သွေ့နေတတ်တယ်လေ။ စိတ်ညစ်ရတာပေါ့နော့။ အဲဒီတော့ လက်လေးနှုးညံ့အိစက်နေအောင် လုပ်ရမယ့်နည်းလေးတွေကို ပြောပြပေးမယ်နော်။

- ရေကိုင်ရင် ပန်ကန်ဆေး၊ အ၀တ်လျှော်ရင် ရာဘာလက်အိတ်စွပ်ထားပါ။

- နေ့ဘက်တွေမှာ Hand Cream ( သို့ ) Body Lotion ( သို့ ) သံလွင်ဆီ ( သို့ ) Vit E လိမ်းပေးပါ။ ရေစိုလို့ ပျက်သွားရင် ပြန်လိမ်းပါ။

- လက်ဆေးဆပ်ပြာမှာ Moisturiser ပါတဲ့ဆပ်ပြာတွေကို သုံးပေးပါ။ ဆပ်ပြာရည်၊ ဂျယ်လ်တွေက ပိုကောင်းပါတယ်။

- ညဘက်မှာလည်း လိမ်းအိပ်ဖို့ မမေ့နဲ့နော်။

- တစ်ပတ်ကို တစ်ကြိမ်လောက် ညဘက်မှာ လက်ကိုပေါင်းတင်ပေးရင် လက်လေးတွေမှာ အရမ်းကို နှုးညံ့စိုပြေသွားမယ့်အပြင် ချောမွေ့စေတယ်လေ။ ပေါင်းမတင်ခင်မှာ လက်အရေပြားပေါ်က ဆဲလ်သေတွေကို ဖယ်ရှားပေးရမယ်နော်။ Body Scrub သုံးရင်လည်း ရပါတယ်။ သဘာဝနည်းကို သုံးချင်ရင်တော့ သံလွင်ဆီနဲ့
သကြားကို ရောလိုက်ပါ။ တကယ်လို့ အရမ်းခြောက်သွေ့တဲ့အသားအရေပိုင်ရှင် ( သို့ ) ထိခိုက်လွယ်တဲ့ အသားအရေပိုင်ရှင်ဆိုရင်တော့ အဲဒီအရောကို လက်ခုံပေါ်မှာ နဲနဲလေးပွတ်ပြီး စမ်းကြည့်ပါ။ အဆင်ပြေတယ်ဆိုရင် သုံးလို့ရပါတယ်။ တကယ်လို့လက်မှာ ထိခိုက်ရှာနာတွေရှိနေရင်တော့ မလုပ်နဲ့အုံးနော်။ တကယ်လို့ အားလုံးအိုကေတယ်ဆိုရင် ခုနက အရောလေးနဲ့ လက်တွေပေါ်မှာ သေချာပွတ်တိုက်ပေးပါ။ လက်ချောင်းလေးတွေကို ရောနော်။ ၁၀ မိနစ်နေရင် ရေဆေးချလိုက်ပါ။ ပြီးတော့ လက်တစ်ခုလုံးကို သံလွင်ဆီလိမ်းပြီး လက်အိတ်စွပ်ပြီး အိပ်လိုက်ပါ။ နိုးလာတဲ့အခါ ဆပ်ပြာအပျော့စားလေးနဲ့ ရေနွေးလေးနဲ့ ဆေးလိုက်တဲ့အခါ လက်လေးတွေက နူးညံအိပ်စက်နေလို့ အရမ်းကို သဘောကျသွားမှာနော်။

- တကယ်လို့ လက်တွေက အရမ်းကြမ်းနေတယ်ဆိုရင် သကြားနဲ့သံပုရာရည် စားပွဲတင်ဇွန်းတစ်ဇွန်းစာစီကို ရောပြီး လက်တွေကိုပွတ်ပေးပါ။ ပြီးတော့ ၁၅ မိနစ်လောက်နေရင် ရေဆေးချပြီး သံလွင်ဆီလိမ်းပေးပါ။

အပေါ်က နည်းတွေကို ခြေထောက်တွေအတွက်လည်းသုံးနိုင်တယ်နော်။

Feet

- ခြေထောက်တွေက ကြမ်းတမ်းပြီး ဖနောင့်ကွဲနေတဲ့သူတွေ၊ အသားမာရှိတဲ့သူတွေ ရေချိူးတိုင်း ဂျီးတွန်းကျောက်တုန်းလေးနဲ့ ခြေထောက်တွေကို သေချာတိုက်ပေးပါ။ အထူးသဖြင့် ခြေမျက်စိ၊ ခြေဖနောင့်နဲ့ အသားမာနေရာတွေကိုပါ၊ ရေချိူးပြီးရင် သေချာခြောက်အောင်သုတ်ပြီး Body Lotion လိမ်းပေးနော်။

- ဖနောင့်ကွဲနေတဲ့သူတွေ ( သို့ ) ခြေထောက်တွေကို ပိုပြီးနူးညံ့ချောမွေ့စေချင်ရင် ခြေထောက်တွေကို မိနစ် ၂၀ လောက် ညအိပ်ယာမ၀င်ခင်မှာ ရေနွေးထဲမှာ ခြေထောက်တွေကို မိနစ် ၂၀ လောက် စိမ်ပြီး နှိပ်နယ်ပေးပါ။ ပြီးတော့ Petrdeum Jelly ကိုလိမ်းပြီး ခြေအိတ်ဝတ်ပြီး အိပ်လိုက်ပါ။ မနက်အိပ်ယာနိုးတဲ့အခါ ခြေထောက်ကို သေချာဆေးလိုက်ရုံပါပဲ။

- ဖနောင့်ကွဲတဲ့သူတွေက ညတိုင်းအိပ်ယာမ၀င်ခင် ခြေထောက်ကို ဆေးကြောပြီး Petroleum Jelly လိမ်း
ခြေအိတ်စွတ်ပြီး လိမ်းရင် သိသိသာသာသက်သာသွားမှာပါ။ ဖနောင့်ကွဲမရှိဘဲ ရိုးရိုးခြေထောက်ကို နှုးညံချောမွေ့စေလိုသူတွေကတော့ Petroleum Jelly အစား Vit E , သံလွင်ဆီ , Body Lotion တို့ကိုသုံးနိုင်ပါတယ်။

အပေါ်ကနည်းတွေအတိုင်း နေ့တိုင်းလုပ်ပေး ဂရုစိုက်ပေးရမှာနော်။ အော်.. အပြင်သွားရင်လည်း လက်တွေ ၊ ခြေထောက်တွေကို Suncream တွေကိုလိမ်းပေးဖို့ မမေ့ပါနဲ့။ နူးညံ့ချောမွေ့လှပတဲ့ ခြေလက်တို့ရဲ့ အလှတရားနဲ့ အလှပိုနိုင်ကြပါစေရှင်။

(ရင်နှင်းငယ်)

Read More

ဟုတ်တယ် ဟုတ်

Read More

လားရှိုးသတင်း

28.5.2013- ညနေ (၄း၅၀)မှာ မူဆလင် ကိုနေဝင်းဆိုသူက ဒေါ်အေးဝင်း(၃၈)နှစ်ကို ဓာတ်ဆီပက်မီးရှို့ ပစ်လိုက်လို့ မြို့လူထုက ကိုနေဝင်းကို ဖမ်းပြီး ရဲစခန်းပို့လိုက်ပါတယ်။

ဒေါ်အေးဝင်းကို ဆေးရုံအရေးပေါ်ဌာနသို့ ပို့ထားပါတယ်။ ညနေ(၆း၀၀)နာရီကျော်မှာ ရဲစခန်းရှေ့ လူစုလူဝေးနဲ့ ကိုနေဝင်းကို ထုတ်ပေးဖို့ တောင်းဆိုကြပါတယ်။ ကိုနေဝင်းက ကျိုင်းတုံကလာသည့် ဧည့်သည်ဖြစ်ပြီး၊ တည်းခိုခန်းတစ်ခုမှာ တည်းတယ်လို့ သိရပါတယ်။ 

မှတ်ပုံတင်အရ မူဆလင်ဟု သိရပြီး၊ ပန်ချာပီမဟုတ်ကြောင်း၊ မြို့ခံတွေက အတည်ပြုကြပါတယ်။ ည(၇း၀၀)နာရီကျော်မှာ မြို့မဗလီနှင့် ဟံသာဝတီလမ်းမှ ကုန်မာဆိုင်တစ်ဆိုင်တို့ မီးရှို့ဖျက်ဆီးခံရတယ်လို့ သိရပါတယ်။

သမ္မတရုံးဝန်ကြီးများ၊ ပြည်ထဲရေးဌာန၊ လားရှိုးတိုင်းမှူးတို့ ကိုယ်တိုင်ကြီးကြပ် ကွပ်ကဲ လုံခြုံရေးချပြီး၊ ထိန်းသိမ်းနေတယ်လို့ သိရပြီး၊ အခြေအနေအားလုံးကို ညတွင်းချင်း တည်ငြိမ်အောင် ထိန်းနိုင်လောက်တယ်လို့ ခန့်မှန်းနေကြပါတယ်။

ဒေါ်အေးဝင်း သေဆုံးသည့်သတင်း မမှန်ပါဘူး။ ဆေးကုသဆဲဖြစ်ပါတယ်။ မနေ့က ၂၇-၅-၂၀၁၃-ည (၈း၀၀)နာရီမှာ ကျူခုံစောင့် ကောင်လေး မောင်ဆန်းဝင်းကို ကျူခုံမဖွင့်လို့-ဆိုကာ မူဆလင်ငါးယောက်က ရန်လုပ်ကြလို့ ကျူခုံဖွင့်ပေးခဲ့ပေမယ့် ကျူခုံထဲအရောက်မှာ မူဆလင်ငါးယောက်က ဝိုင်းဝန်းထိုးကြိတ်ကြလို့ ဗမာကောင်လေး မောင်ဆန်းဝင်း ဆေးရုံတက်နေရပါတယ်။

မောင်ဆန်းဝင်းဖြစ်ပြီး နောက်နေ့ ဒေါ်အေးဝင်းဖြစ်တာဆိုတော့ ပြဿနာကို တမင်ဖန်တီးနေကြတာလားဆိုတာ တွေးစရာဖြစ်နေပါတယ်။ ဗမာတွေ အကြမ်းဖက်တုန့်ပြန်ရင် ထောင်ချောက်ထဲရောက်သွားနိုင်လို့ ဆင်ခြင်ကြဖို့ မြို့သံဃာနှင့် ရပ်ဖိရပ်ဖများက မေတ္တာရပ်ခံနေကြောင်း သိရပါတယ်။

စုံစမ်းရန်= 082-23304 (အမှတ်-၁ ရဲစခန်း) 082-23009 (ပြည်နယ်ရဲတပ်ဖွဲ့) 082-23078 (ရဲမှူး) 09-403768595 (ဦးအကုင်္ရ) 09-73056077 (ဦးခေမာ) ဦးဝီရသူ

Read More

နင်ငါ့ကို ဘယ်လောက်ချစ်လဲ....

နင်ငါ့ကို ဘယ်လောက်ချစ်လဲဆိုတာ နင့်ပါးစပ်ကဖွင့်မပြောပေမယ့် နင့်အပြုအမူတွေကြောင့်ငါသိနေတယ်


နင်ငါ့ကိုဘယ်လောက်စိုးရိမ်လည်းဆိုတာ နင့်ကိုယ်တိုင်ထုတ်မပြောပေမယ့် နင့်ဂရုစိုက်တဲ့စကားတွေကြောင့်ငါသိနေတယ်

ငါတို့တစ်ယောက်ကိုတစ်ယောက် အရမ်းချစ်ကြတာ နှစ်ယောက်စလုံးဖွင့်မပြောကြပေမယ့် အလိုလိုသိနေကြတယ်


♥ BabyMilo Queen ♥ (ခံစားချက်စာတိုလေးများ)

Read More

စောင့်ဆိုင်းရတာကို အမုန်းဆုံးငါက.........

စောင့်ဆိုင်းရတာကို အမုန်းဆုံးငါက.........

နင်နဲ့ စကားပြောရမယ့် အချိန်တွေကို ပျော်ရွှင်စွာနဲ့ စောင့်နေတတ်တယ်


ချစ်တယ်ဆိုတဲ့ စကားကို ပြောရမှာအကြောက်ဆုံးငါက.....

နင်ကို အကြိမ်ကြိမ် ချစ်ကြောင်းပြောနေတတ်တယ်



စိတ်ရှည်သည်းခံမှုဆိုတာ မရှိတတ်တဲ့ငါက........

နင့်ပြောသမျှစကားကိုဆို အမြဲ စိတ်ရှည်ရှည်နဲ့
နားထောင်နေတတ်ပြန်တယ်


ဘာကြောင့်လဲဆိုတော့ နင့်ကို သိပ်ချစ်မိလို့
ငါအတ္တတွေကို မေ့တတ်နေပြန်တယ်




웃

  유




✿✿✿ Poem ✿✿✿

Read More

တစ်နေ့ ကော်ဖီနှစ်ခွက် သောက်ခြင်း ၏ အတျိုး

တနေ့လျှင် မတ်ခွက်ဖြင့် ကော်ဖီ ၂ ခွက် သောက်ခြင်းသည် နှလုံးကျန်းမာရေး ကောင်းမွန်စေရန် အထောက်အကူ ပြုသည်ဟု လေ့လာမှု တစ်ခုက တွေ့ရှိခဲ့သည်။  ကော်ဖီကို ယင်းကဲ့သို့ သောက်သုံးခြင်းသည် နှလုံးအားနည်းရောဂါ ဖြစ်နိုင်ခြေ အန္တရာယ် လျော့ကျနိုင်မှုနှင့် ဆက်စပ်နေကြောင်း အဆိုပါ သုတေသနပြု လေ့လာမှုက တွေ့ရှိခဲ့သည်။

နှလုံးအားနည်းရောဂါကြောင့် သေဆုံးရမှုနှုန်းသည် အချို့သော ကင်ဆာရောဂါကြောင့် သေဆုံးရမှုနှုန်းထက် ပိုများသည်ကို တွေ့ရှိရသည်။ ဆေးစစ်အပြီး တစ်နှစ်အတွင်း နှလုံးအားနည်းရောဂါ ရှိသူများထဲမှ ၄၀ ရာခိုင်နှုန်းအထိ အသက်အန္တရာယ် ထိခိုက်မှု ရှိသည်ကို တွေ့ခဲ့ရသည်။

ယခုနောက်ဆုံး သုတေသနပြု လေ့လာမှုအရ ကော်ဖီပမာဏ အသင့်အတင့်ကို ပုံမှန် သောက်သုံးပေးခြင်းသည် နှလုံးရောဂါ ပြဿနာများကို လျော့ကျစေနိုင်သော်လည်း ကော်ဖီ အလွန်အကျွံ သောက်သုံးခြင်းက ဆန့်ကျင်ဘက် အကျိုးတရား ဖြစ်ပေါ်စေနိုင်သည်ဟု သိရှိရပါသည်။

အမျိုးသား အမျိုးသမီး ၁၅၀၀၀၀ တို့အား လေ့လာကြည့်ခဲ့ရာတွင် တစ်နေလျှင် ကော်ဖီ မတ်ခွက်တစ်ခွက် သို့မဟုတ် နှစ်ခွက် သောက်သုံးသူများသည် ကော်ဖီ လုံးဝ မသောက်သူများထက် နှလုံးအားနည်းရောဂါ ဖြစ်ပေါ်နိုင်သည့် အန္တရာယ် ၁၁ ရာခိုင်နှုန်း လျော့နည်းသည်ကို တွေ့ရှိခဲ့ရသဖြင့် ယခင်ကော်ဖီနှင့် ပတ်သက်သော လေ့လာမှု ရလဒ် (၅) ခုကို ပယ်ဖျက်ပစ်လိုက်သည်။ သို့သော် တစ်နေ့လျှင် ကော်ဖီ (၅) ခွက်နှင့်အထက် သောက်သုံးသူများ အတွက်မူ နှလုံးအတွက် ဆိုးကျိုး ဖြစ်ပေါ်နိုင်ကြောင်း တွေ့ရှိရကြောင်း Circulation Heart Failure ဂျာနယ်၏ အစီရင်ခံစာများတွင် ဖော်ပြထားသည်။

အမေရိကန်နိုင်ငံ ဘော်စတွန်မြို့ရှိ Beth Israe! Deaconess Medical Center  မှ သုတေသန ပညာရှင် ဒေါက်တာ မာရေးမစ်တယ်လ်မန်းက ကော်ဖီ အတန်အသင့် သောက်သုံးမှုသည် နှလုံးအားနည်းရောဂါအတွက် အဓိက အနေအထား ဖြစ်လာပုံရသည်ဟု ဆိုသည်။ ကော်ဖီသောက်ခြင်းက ဘာ့ကြောင့် နှလုံးအာနည်းသည့် ရောဂါ ဖြစ်နိုင်ခြေ လျော့နည်းစေရသည်ကိုမူ သေချာစွာ မသိရဟု သုတေသီများက ပြောကြားသည်။

နှလုံးအားနည်းရောဂါ ဆိုသည်မှာ ရုတ်တရက် နှလုံးဖောက်ပြန်မှု သို့မဟုတ် နှလုံးရောဂါကြောင့် လူ့ခန္ဓာကိုယ် တစ်လျှောက်သို့ သွေးပို့လွှတ်ရန် အပြင်းအထန် ကြိုးစား ရုန်းကန်နေရသည့် ရောဂါဖြစ်သည်။ ကော်ဖီသောက်ခြင်းကြောင့် နှလုံးအားနည်းရောဂါ ဖြစ်နိုင်ခြေ လျော့ကျရခြင်းမှာ ယေဘုယျအားဖြင့် ကော်ဖီကြောင့် သွေးပေါင်တိုးလာခြင်းကြောင့် ဖြစ်ပုံရသည်ဟု သုတေသီများက ပြောသည်။
ရတနာပုံ ဘာသာပြန်သတင်း
Ref: Daily Mail

Read More

လားရှိုးမြို့တွင် အမျိုးသမီးတစ်ဦး ဓာတ်ဆီလောင်း မီးရှို့ခံရမှုနောက်ပိုင်း ဖြစ်ပွားခဲ့သော ဗလီမီးရှို့မှုများကြောင့် အရေးပေါ် အခြေအနေ ပုဒ်မ-၁၄၄ ထုတ်ပြန်

ည ၈ နာရီ ၀န်းကျင်ခန့်က လားရှိုးမြို့ရှိ အစ္စလာမ်ဘာသာ စာသင်ကျောင်း မီးလောင်နေစဉ်

ရှမ်းပြည်နယ်၊ လားရှိုးမြို့၊ နယ်မြေ (၇)၊ အမှတ် ၈ ရပ်ကွက်၊ သန္နီလမ်းပေါ်တွင် မေ ၂၈ ရက် ညနေ ၄ နာရီ ၁၅ မိနစ်ခန့်က အမျိုးသမီးတစ်ဦးအား အမျိုးသားတစ်ဦးက ဓာတ်ဆီလောင်း မီးရှို့ရာမှ စတင်ခဲ့သော ပဋိပက္ခကြောင့် အစ္စလာမ်ဘာသာ အဆောက်အအုံ နှစ်လုံးနှင့် ဈေးဆိုင်ခန်းများ မီးလောင်ကျွမ်းခဲ့ပြီး ညပိုင်းတွင် အရေးပေါ်အခြေအနေ ပုဒ်မ (၁၄၄) ထုတ်ပြန်ခဲ့ကြောင်း သိရသည်။

ဖြစ်စဉ်မှာ ယင်းနေ့ညနေ ၄ နာရီ ၁၅ မိနစ်ခန့်တွင် သန္နီလမ်းပေါ်၌ ဓာတ်ဆီရောင်းနေသော မအေးအေးဝင်း (၂၄ နှစ်) (ရှမ်း/တရုတ်/မြန်မာ/ဗုဒ္ဓ) ကို ကျိုင်းတုံမြို့၊ ၂ ရပ်ကွက်မှ ရောက်ရှိလာသူ နေ၀င်း (၄၈ နှစ်) (အိန္ဒိယ/တရုတ်/အစ္စလာမ်) မှ ဓာတ်ဆီလောင်းပြီး မီးရှို့ရန် ပြေးလိုက်သဖြင့် မအေးအေးဝင်းမှ ရတနာတင်းတိမ် လမ်းအတွင်းသို့ ထွက်ပြေးသွားခဲ့ကြောင်း သိရသည်။ ထိုလမ်းအတွင်းမှာပင် မအေးအေးဝင်းမှာ မပြေးနိုင်တော့ဘဲ မိသွားစဉ် နေ၀င်းမှ ဓာတ်ဆီလောင်း မီးရှို့ခဲ့ကြောင်း၊ အဆိုပါ မြင်ကွင်းကြောင့် ပတ်ဝန်းကျင်ရှိ ဒေသခံများက ထိုအစ္စလမ် ဘာသာဝင်ကို ၀ိုင်းရိုက်ခဲ့ကြကြောင်း၊ သတင်းကြားသည်နှင့် ရဲတပ်ဖွဲ့များ ရောက်ရှိလာကာ ဓာတ်ဆီလောင်း မီးရှို့သူ နေ၀င်းကို အမှတ် (၁) ရဲစခန်းသို့ ဖမ်းဆီးခေါ်ဆောင်သွားကြောင်း၊ ယင်းနောက် ဒေသခံ ၁၅၀ ခန့်သည် ညနေ ၅ နာရီခန့်တွင် အမှတ် (၁) ရဲစခန်းရှေ့သို့ စုရုံးရောက်ရှိလာပြီး မီးရှို့သူ တရားခံကို ထုတ်ပေးရန် အော်ဟစ်ပြောဆို ခဲ့ကြကြောင်း မျက်မြင်ဒေသခံများက ဆိုသည်။

"မီးရှို့တဲ့သူနဲ့ အရှို့ခံရတဲ့ မိန်းကလေးက နဂိုကတည်းက သိကြတာ မဟုတ်ဘူး။ မြင်လည်းမြင်ဖူးကြတာ မဟုတ်ဘူး။ ဒီဘာသာခြားကလည်း လားရှိုးမြို့ကို ရောက်လာတာ သုံးရက်ပဲ ရှိသေးတယ်၊ တည်းခိုခန်း တစ်ခုမှာတည်းတာ" ဟု The Daily Eleven ၏ လားရှိုးသတင်းထောက်က သတင်းပေးပို့ခဲ့သည်။ ဓာတ်ဆီလောင်း မီးရှို့ခံရသော မအေးအေးဝင်းသည် ခြေ၊ လက်နှင့် ဆံပင်များ မီးလောင်ကျွမ်းသွားပြီး လားရှိုးမြို့ ဆေးရုံကြီး၊ အရေးပေါ်ဌာနတွင် တင်ပို့ကုသထားကြောင်း သိရသည်။

အဆိုပါ ဖြစ်စဉ်အပေါ် ရှမ်းပြည်နယ် ရဲတပ်ဖွဲ့မှူးရုံး တာဝန်ရှိသူ တစ်ဦးက "ကျိုင်းတုံမြို့၊ ၂ ရပ်ကွက်နေ နေ၀င်းနဲ့ ပြည်ထောင်စုလမ်းမကြီး နံဘေး၊ မိခင်နဲ့ကလေး စောင့်ရှောက်ရေးရုံးအနီး ဓာတ်ဆီဆိုင်ဖွင့် ရောင်းနေတဲ့ မအေးအေးဝင်းတို့ စကားများ ရန်ဖြစ်ရာက ခုလို ပြဿနာ စဖြစ်တာပါ။ နေ၀င်းကို ဖမ်းမိစဉ် ရှာဖွေတဲ့အခါမှာ သူ့ဘောင်းဘီအိတ်ထဲက စိတ်ကြွရူးသွပ်ဆေးပြား နှစ်ပြားတွေ့ရပါတယ်။ အခုလို ဓာတ်ဆီလောင်း မီးရှို့တဲ့ ဖြစ်စဉ်နဲ့ ပက်သက်လို့ မအေးအေးဝင်းရဲ့ဖခင် ဦးမောင်မောင် (ရပ်ကွက် ၈၊ နယ်မြေ ၁၅၊ နယ်မြေမှူး) ကပဲ တရားလိုလုပ်ပြီး အမှုဖွင့်ထားပါတယ်။ ည ၇ နာရီခန့်မှာ မအေးအေးဝင်းရဲ့ ဆွေမျိုးငါးဦးခန့်နဲ့ သံဃာတော် ၁၀ ပါးခန့် ရဲစခန်းကို ရောက်လာပြီး တရားခံကို ထုတ်ပေးဖို့ ပြောရာကနေ လူ ၃၀ လောက် ဖြစ်သွားတယ်။ ဒါနဲ့ ည ၇ နာရီခွဲခန့်မှာပဲ တရားခံကို လားရှိုးအကျဉ်းထောင်ကို ပို့လိုက်ပြီ ဖြစ်ပါတယ်" ဟု ပြောကြားသည်။

ယခု ဖြစ်စဉ်အပေါ် မကျေနပ်သော ဒေသခံတို့မှ ည ၇ နာရီခန့်တွင် လားရှိုးမြို့မဈေးကြီး အနီးရှိ အစ္စလာမ်ဗလီ တစ်လုံးကို မီးရှို့လိုက်ကြကြောင်း၊ ယင်းနောက် လမ်းမတော်လမ်းရှိ အစ္စလာမ်ဘာသာ စာသင်ကျောင်းကိုလည်း မီးရှို့လိုက်ကြကြောင်း၊ ယခု ၁၀ နာရီ ထိုးသည်အထိ အဆိုပါ အဆောက်အအုံများ မီးလောင်ကျွမ်းဆဲဖြစ်ပြီး စာသင်ကျောင်း နံဘေးရှိ ဈေးဆိုင်ခန်း ၁၅ ခန်းခန့်မှာလည်း မီးလောင်ကျွမ်းနေဆဲ ဖြစ်ကြောင်း သိရသည်။

ဓာတ်ဆီလောင်း မီးရှို့သူ တရားခံနေ၀င်းကို လားရှိုးမြို့နယ် အမှတ် (၁) ရဲစခန်းမှ (ပ) ၂၅၇/၂၀၁၃၊ ပြစ်မှုဆိုင်ရာ ပုဒ်မ ၃၀၇/၄၃၆၊ ၃၂၆ နှင့် မယ(ပ) ၈၇/၂၀၁၃၊ မူး/စိတ် ၁၅/၁၆(ဃ) တို့ဖြင့် အမှုဖွင့် အရေးယူထားကြောင်း သိရသည်။

လားရှိုးမြို့၊ မြို့မဈေးကြီး အနီးရှိ ဗလီတစ်လုံး မီးလောင်နေမှုနှင့် ရဲတပ်ဖွဲ့ဝင်များက ထိန်းသိမ်းနေစဉ် (ဓာတ်ပုံ-ထွန်းနေလှိုင်)

ထို့နောက် ရဲစခန်းရှေ့နှင့် မြို့ပေါ်အနှံ့ရှိ အဆိုပါကိစ္စကို မကျေနပ်ကြသည့် လူအုပ်စုကို သက်ဆိုင်ရာ တာဝန်ရှိသူတို့က ည ၈ နာရီခွဲခန့်တွင် ထိန်းလိုက်နိုင်ပြီဖြစ်ပြီး ဗလီ၊ စာသင်ကျောင်းနှင့် ၎င်းအနီးရှိ ဈေးဆိုင်ခန်းများ မီးလောင်ကျွမ်းမှုကို ငြိမ်းသတ်နေဆဲဖြစ်ကြောင်း ရှမ်းပြည်နယ် ရဲတပ်ဖွဲ့မှူးရုံးမှ တာဝန်ရှိသူ တစ်ဦးက ဆိုသည်။

လက်ရှိတွင် လားရှိုးမြို့ပေါ် ရပ်ကွက်အသီးသီးတွင် ည ၉ နာရီ ခန့်ကတည်းက အရေးပေါ်အခြေအနေ ပုဒ်မ (၁၄၄) ထုတ်ပြန်လိုက်ပြီ ဖြစ်ကြောင်း၊ လောင်ကျွမ်းနေသော မီးမှာလည်း ည ၁၁ နာရီခန့်တွင် ငြိမ်းစပြုနေပြီဖြစ်ကြောင်း ဒေသခံများကို ဆက်သွယ်မေးမြန်းချက်အရ သိရသည်။

ယခု လားရှိုးမြို့ ပဋိပက္ခ ဖြစ်ပွားသောနေ့မှာ ပြည်ထောင်စု ငြိမ်းချမ်းရေး ဖော်ဆောင်ရေး အဖွဲ့နှင့် ကချင်လွတ်မြောက်ရေး အဖွဲ့ချုပ် (KIO/KIA) ငြိမ်းချမ်းရေးအဖွဲ့တို့ မြန်မာနိုင်ငံအတွင်း ပထမဆုံး ငြိမ်းချမ်းရေး ဆွေးနွေးသည့်နေ့နှင့် တိုက်ဆိုင်နေသည်။

လားရှိုးမြို့သည် တရုတ်လူမျိုးများပြီး အစ္စလာမ်ဘာသာဝင် နည်းပါးကြောင်း၊ ယခု ဖြစ်စဉ်နှင့် ပတ်သက်၍ နောက်ကွယ်၌ မည်သည့်နိုင်ငံ၊ မည်သည့်အဖွဲ့အစည်းများ ပါဝင်ပတ်သက်နေသည်ကို စုံစမ်းစစ်ဆေး ဖော်ထုတ်၍ အများပြည်သူအား အသိပေးရန် လိုအပ်နေကြောင်း သုံးသပ်မှုများ ရှိနေသည်။

လက်ရှိ အစိုးရလက်ထက် ပထမဆုံး အဓိကရုဏ်း ဖြစ်ခဲ့သည့် ၂၀၁၂ ခုနှစ် ဇွန် ၈ ရက် ရခိုင်ပြည်နယ် ပဋိပက္ခများ၏ အစပြုရာ မေ ၂၈ ရက်နေ့ မသီတာထွေး အသတ်ခံရမှု ဖြစ်စဉ်သည် မေ ၂၇ ရက်တွင် အိန္ဒိယနိုင်ငံ ၀န်ကြီးချုပ် ဒေါက်တာမန်မိုဟန်ဆင်း မြန်မာပြည်သို့ လာရောက်ခဲ့ပြီး နှစ်နိုင်ငံ ပူးပေါင်းဆောင်ရွက်ရေး ကိစ္စများ လာရောက်ဆွေးနွေးမှုနှင့် တိုက်ဆိုင်နေသည်။ ယင်းမတိုင်မီ မေ ၁၇ ရက်ကလည်း အမေရိကန် နိုင်ငံခြားရေးဝန်ကြီး ဟီလာရီကလင်တန်၏ ဖိတ်ခေါ်မှုကြောင့် အမေရိကန်သို့ ရောက်ရှိနေသော နိုင်ငံခြားရေးဝန်ကြီး ဦးဝဏ္ဏမောင်လွင်အား မြန်မာနိုင်ငံအပေါ် ငွေကြေးဆိုင်ရာ ပိတ်ဆို့ကန့်သတ်မှုများကို ဆိုင်းငံ့သည့် အမိန့်အား သမ္မတအိုဘားမားက ထုတ်ပြန်ပေးမည်ဟု ဟီလာရီကလင်တန်က ပြောကြားခဲ့သည်။

၂၀၁၃ ခုနှစ် မတ် ၂၀ ရက်တွင် မိတ္ထီလာမြို့၌ စတင်ကာ ပဲခူးတိုင်း အနောက်ခြမ်း မြို့နယ်များထိ ကူးစက်ခဲ့သော ပဋိပက္ခများ ဖြစ်ပေါ်ခဲ့ရာ ယင်းမတိုင်မီ မတ် ၁၂ ရက် နေ့က ဒေါ်အောင်ဆန်းစုကြည် ဦးဆောင်သည့် လက်ပံတောင်းတောင် စုံစမ်းစစ်ဆေးရေး ကော်မရှင်၏ အစီရင်ခံစာ ထွက်ရှိခဲ့ပြီး သမ္မတ ဦးသိန်းစိန်သည်လည်း နယူးဇီလန်နှင့် သြစတြေးလျ နိုင်ငံများသို့ ချစ်ကြည်ရေးခရီး သွားရောက်နေသည့် အချိန်အတွင်း ဖြစ်ပွားခဲ့ခြင်းဖြစ်သည်။

EMG

Read More

မဲဇလီဖူး၏ ကျန်းမာရေး စွမ်းပကား

မဲဇလီဖူးသုပ်ကို ဆေးဖက် ဝင်တဲ့ အစာအဖြစ် ဆေးပေါင်းခတဲ့ တန်ဆောင် မုန်းလပြည့်နေ့မှာ စားလေ့ရှိကြပါတယ်။ မဲဇလီဖူးမှာ ရေဓာတ်၊ ဂလူကိုဆိုက်၊ ကတ်သတစ်အက်စစ်၊ အန်သရိုကွီနုန်း၊ ကမ်ဖီရောစတဲ့ ပစ္စည်းတွေ ပါဝင်တာကြောင့် ဆေးဖက်ဝင်တဲ့ အပင်ထွက်ပစ္စည်းအနေနဲ့ စားသုံးကြတာဖြစ်ပါတယ်။ မဲဇလီဖူး မှာ အောက်ပါ အကျိုးကျေးဇူးတွေရှိကြောင်း သိရပါတယ်။  

အစာအိမ် အူလမ်းကြောင်းကို ကျန်းမာစေ ပါတယ်
မဲဇလီဖူးကို ရောဂါကင်းရှင်းစေတဲ့ အစွမ်းရှိတယ်လို့ ဆိုကြပါတယ်။ အ ကြောင်းကတော့ အန်သရာကွီနုန်းပမာ ဏ များစွာ ပါဝင်ပြီး ဝမ်းချုပ်တာ၊ သွေး ထွက်တာနဲ့ အက်စစ်ဆန်တက်ပြီး ရင်ပူ တာတို့လို အစာခြေ အူလမ်းကြောင်းဆိုင် ရာ ရောဂါတွေကို ဆန့်ကျင်ရာမှာ အဓိ က အသုံးဝင်ပါတယ်။

ဝမ်းမှန်မှန်သွားစေပါတယ်
မဲဇလီဖူးဟာ အူတွေကို သန့်စင် စေပြီး အူမကြီးရဲ့ လှုပ်ရှားမှုကို ကောင်း မွန်စေတာကြောင့် ဝမ်းပျော့ပျော့သွား စေတဲ့ အာနိသင်ရှိပါတယ်။ ဒါ့အပြင် အူ လမ်းကြောင်းရှိ တုတ်ကောင်တွေကို ဖယ် ရှားပေးတဲ့ အစွမ်းလည်း ရှိပါတယ်။

ပျို့ချင် အန်ချင်တာကို သက်သာစေပါတယ်
မဲဇလီဖူးကို အနည်းငယ်စားပေးရင် ပျို့ချင်အန်ချင်ဖြစ်တာကို သက်သာစေပါ တယ်။

ကိုယ်ခံ စွမ်းအား စနစ်ကို ကောင်းမွန်စေပါ တယ်
မဲဇလီဖူးကို စားတာကြောင့် သရက် ရွက်ထဲမှာ ဆဲလ်အသစ်များများဖြစ် အောင် လှုံ့ဆော်ပေးနိုင်တဲ့အတွက် ဆေး ဖက်ဝင်အစွမ်း ရှိတာပါ။ ရောဂါကို တွန်း လနှ န်ိုင်တဲ့ အစွမ်းရှိတာကို အသေးစိတ် လေ့လာမှုတွေ ဆက်လက်ပြုလုပ်နေကြ ပြီး ကာကွယ်ဆေးအဖြစ် တွဲဖက်သုံးဖို့ဖြစ်နိုင်ခြေ ရှိ၊ မရှိ စဉ်းစားနေကြပါတယ်။

ဓာတ်တိုး ဆန့်ကျင်နိုင်တဲ့ အင်တီအောက် ဆီးဒင့် ဂုဏ်သတ္တိ ရှိပါတယ်
မဲဇလီဖူးမှာ အစွမ်းထက် အင်တီ အောက်ဆီးဒင့် ပါဝင်ပါတယ်။ ပိုလီဖီနော ဓာတ်ပါဝင်မှုများပါတယ်။ ဒါကြောင့် ဖရီး ရယ်ဒီကယ်ကြောင့် ဆဲလ်ထိခိုက်မှု မဖြစ် အောင် ကာကွယ်ပေးနိုင် သလို အသည်း မှာ ထိခိုက်မှု မဖြစ်အောင်လည်း ကာ ကွယ်ပေးနိုင်ပါတယ်။ ဒါပေမဲ့ လူတွေ မှာ ဘယ်လောက်အထိ အသုံးဝင် ထိရောက် မှု ရှိသလဲဆိုတာကို နောက်ထပ် လေ့လာ မှုတွေ ထပ်လုပ်ဖို့ လိုအပ်နေပါသေးတယ်။

ပိုးမွှားတွေကို တွန်းလှန် ပေးပါတယ်
လေ့လာမှုတွေ အရ မဲဇလီဖူးမှာ Staphylococcus aureus, Pseudomonas aeruginosa နဲ့ Proteus. vulgaris စတဲ့ ပိုးတွေကို တွန်းလှန်ပေး နိုင်တဲ့ အစွမ်း ရှိကြောင်း ဆိုပါတယ်။ ဒါ ပေမဲ့ ဖန်းဂပ်စ် မှိုတွေ ကိုတော့ တွန်းလှန် နိုင်တယ်လို့ မပြသထားပါဘူး။

အူမကြီးကင်ဆာ ဖြစ်နိုင်ခြေကို လျော့ကျ စေပါတယ်
မဲဇလီဖူးဟာ ဖရီး ရယ်ဒီကယ် တွေကြောင့် ဆဲလ်ထိခိုက်မှု မဖြစ်အောင် ကာကွယ်ပေးတဲ့ ဆေးဖက်ဝင် အပင်တစ် မျိုး ဖြစ်တဲ့အတွက် အူမကြီးကင်ဆာနဲ့ အစာဟောင်း အိမ်ကင်ဆာ ဖြစ်နိုင်ခြေကို လျော့ကျ စေနိုင်ပါတယ်။

Read More

အမာရွက်များ မကျန်ရလေအောင်

ထိခိုက် ဒဏ်ရာ များမှ ဖြစ်လာ တဲ့ အမာရွတ် များ ဟာ အရုပ် ဆိုးလှ တဲ့ အမာ ရွတ်တွေကို ကျန်ရစ်စေပါတယ်။ ဒါ့ကြောင့် ရှရာ၊ ခြစ်ရာမှ ကျန်ရှိခဲ့တဲ့အမာရွတ်ကို ပျောက်ကင်းစေတဲ့ လက်တွေ့လုပ်ဆောင်ချက်များကို ဖော်ပြလိုက်ရပါတယ်။ 

- သန့်ရှင်းအောင်ထားပါ။ တတ်နိုင်သမျှ အမြန်ဆုံး သင့်ရဲ့ ရှ၊ ခြစ်မိတဲ့ ဒဏ်ရာကို ရေအေးအေးနှင့် စင်အောင်ဆေးကြောပစ်ပါ။

- အနာကို ဖုံးအုပ်ထားပါ။ ထိခိုက်ဒဏ်ရာကို အုပ်ထားခြင်းက အထဲမှာ ရေငွေ့ရှိနေပြီး ဒုက္ခပေးနိုင်တဲ့ ပစ္စည်းများကို အပြင်သို့ထွက်သွားစေပါတယ်။

- အနာဖေးကိုမဖဲ့၊ မခွာပါနှင့်။ အနာဖေးတက်ခြင်းက ခန္ဓာကိုယ်ရဲ့ သဘာဝ အနာကျက်စေတဲ့ ဖြစ်စဉ်တစ်ရပ်ပဲဖြစ်တယ်။ အနာလုံးဝ မကျက်ခင်မှာ အနာဖေး တွေကိုခွာခြင်း၊ ဖဲ့ခြင်းက အနာထဲ ပိုးဝင်သွားစေနိုင်ပါတယ်။ ဒါ့အပြင် အမာရွတ် ကို ပိုမိုကြီးသွားစေနိုင်ပါတယ်။

Read More

နွားနိူ့ စွမ်းချက် ဒီကိုးချက်

(၁)နံနက်ခင်းအိပ်ရာထပြီး မျက်ခွံဖောင်ရောင်လာသည်ကိုတွေ့လျှင် နွားနို့ထဲ ရှာလကာရည်နှင့်ရေနွေးအနည်းငယ်ရောထည့်ပြီးယင်းအရည်ဖြင့်မျက်ခွံပေါ်တွင်(၃)မိနစ်၊(၅)မိနစ်ခန့်ထပ်ကာ
ထပ်ကာသုတ်ပေးပါ။
ပြီးလျှင်
ပူနွေးသောမျက်နှာသုတ်ပုဝါဖြင့်တစ်မိနစ်မျှအုံပေးပါ။ဖောရောင်မှုကိုပျောက်ပြေသွားမည်ဖြစ်ပါသည်။
(၂)ကြက်သွန်ဖြူအစိမ်းကိုကိုက်စားပြီးနွားနို့တစ်ခွက်ကိုသောက်ပေးလျှင်ကြက်သွန်ဖြူအနံ့နံစေခြင်းကိုပျောက်
စေပါသည်။

(၃)ဟင်းလျာများကြော်ရာတွင်အရသာငန်နေပါလျှင်နွားနို့ကိုအနည်းငယ်ဆမ်းပေးပါ။ဟင်းလျာအရသာသည်
ပေါ့သွားပါလိမ့်မည်။

(၄)ငါးကိုမကြောမီနွားနို့ထဲအချိန်အနည်းငယ်စိမ်ပြီးကြော်လျှင်ငါးဟင်းမှာမညှီဘဲအရသာပိုကောင်းလာပါလိမ့်
မည်။ငါးဟင်းကိုချက်သည့်အခါဟင်းအိုးထဲနွားနို့အနည်းငယ်ဆမ်းပေးလျှင်ငါးဟင်းမှာမညှီတော့ဘဲနူးညံ့ပြီးအရ
သာမှာဆိမ့်လာပါလိမ့်မည်။

(၅)နွားနို့ဖြင့်မျက်နှာသစ်လျှင၊်လက်ပေါ်ကိုလိမ်းကျံလျှင်မျက်နှာနှင့်လက်အရေပြားအားနူးညံ့ညက်ညောလာနိုင်
မည်ဖြစ်ပါသည်။

(၆)အသားသွတ်ကြက်ဥကိတ်မုန့်အခွံလွှာကိုကြော်သည့်အခါနွားနို့နှင့်ကြက်ဥရောစပ်ပြီးကြော်လျှင်အခွံလွှာမှာ
ပျော့အိပြီးအရသာပိုကောင်းလာပါလိမ့်မည်။

(ရ)အ၀တ်အစားပေါ်မင်စွန်းထင်းလျှင်ရေသန့်ဖြင့်အရင်ဆေးပြီးမှနွားနို့ဖြင့်နောက်ထပ်ဆေးပေးပါ။ပြီးလျှင်ချေး
ချွတ်ရည်ဖြင့်ဆက်ဆေးပြီးလျှော်ဖွပ်ပေးပါ။မင်စွန်းများမှာလုံးဝပျောက်သွားပါလိမ့်မည်။

(၈)နွားနို့ထဲရေကိုအနည်းငယ်ရောပြီးပန်းမန်များအားလောင်းပေးလျှင်မည့်သည့်ပန်းမန်မဆိုရှင်ရှင်သန်သန်ရှိလာပါလိမ့်မည်။

(၉)နွားနို့အကြွင်းအကျန်ဖြင့်သားရေဖိနပ်(သို့)အခြားသားရေထည်များကိုတိုက်ပေးလျှင်သားရေမျက်နှာပြင်ကို
မကွမအက်အောင်ကာကွယ်နိုင်မည့်အပြင်သားရေထည်များကိုလည်းနူးညံ့လှပလာစေမည်။

(၁၀)အ၀တ်စဖြင့်နွားနို့ကိုတို့ပြီးပရိဘောဂများကိုတိုက်ပေးလျှင်အညစ်အကြေးကိုကျွတ်ပြောင်လက်လာစေမည်။

**မောင်လှကျော် (သူရဲသူမိန်) **

Read More

စာကျက်ခိုင်းနဲ့

Read More